சென்னை: தங்கம் விலை நேற்று பவுனுக்கு ரூ.160 உயர்ந்தது.தங்கம் விலை கடந்த மாதம் 14ம் தேதி ஒரு பவுன் ரூ.74,560க்கு விற்பனையாகி வரலாற்றில் புதிய உச்சத்தை பதிவு செய்தது. அதன் பின்னர் தங்கம் விலை ஏற்றம், இறக்கத்துடன் காணப்பட்டு வருகிறது. இதற்கிடையே நேற்று முன்தினம் தங்கம் விலை பவுனுக்கு ரூ.480 குறைந்து ஒரு பவுன் ரூ.72 ஆயிரத்துக்கு விற்றது. இந்நிலையில், நேற்று தங்கம் விலை சற்று உயர்ந்தது. அதாவது கிராமுக்கு ரூ.20 உயர்ந்து ஒரு கிராம் ரூ.9,020க்கும், பவுனுக்கு ரூ.160 உயர்ந்து ஒரு பவுன் 72,160 ரூபாய்க்கும் விற்றதுடன் நேற்றுடன் சேர்த்து கடந்த 6 நாட்களாக வெள்ளி விலையில் எந்தவித மாற்றமும் ஏற்படவில்லை. ஒரு கிராம் வெள்ளி ரூ.120க்கும், பார் வெள்ளி 1 லட்சத்து 20 ஆயிரம் ரூபாய்க்கும் விற்கிறது.
The post தங்கம் விலை பவுனுக்கு ரூ.160 உயர்ந்தது appeared first on Dinakaran.
