* கடந்த மார்ச் 22ம் தேதி கொல்கத்தாவில் துவங்கிய ஐபிஎல் லீக் போட்டிகள், லக்னோவில் இன்று நடக்கும் 70வது, கடைசி போட்டியுடன் முடிவடைகின்றன.
* இதில் பிளே ஆப் வாய்ப்பை இழந்த லக்னோ சூப்பர் ஜெயன்ட்ஸ், பிளே ஆப் சுற்றில் நுழைந்த ராயல் சேலஞ்சர்ஸ் பெங்களூரு அணிகள் பலப்பரீட்சை நடத்த உள்ளன.
* இவ்விரு அணிகளும் இதுவரை 5 ஆட்டங்களில் மட்டுமே நேருக்கு நேர் சந்தித்துள்ளன.
* அவற்றில் பெங்களூரு 3, லக்னோ 2 ஆட்டங்களில் வென்றுள்ளன.
* இந்த ஆட்டங்களில் அதிகபட்சமாக லக்னோ 213, பெங்களூரு 212 ரன் விளாசியுள்ளன.
* குறைந்தபட்சமாக பெங்களூர் 153, லக்னோ 108 ரன் சேர்த்துள்ளன.
* இந்த 2 அணிகளும் மற்ற அணிகளுடன் கடைசியாக மோதிய தலா 5 ஆட்டங்களில் லக்னோ 1-4 என்ற கணக்கிலும், பெங்களூரு 3-1 (ஒரு ஆட்டம் ரத்து) என்ற கணக்கிலும் வெற்றி-தோல்விகளை பதிவு செய்துள்ளன.
* நடப்புத் தொடரில் இரு அணிகளும் தலா 13 ஆட்டங்களில் விளையாடி இருக்கின்றன. இப்போட்டிகளில் லக்னோ 6-7 என்ற கணக்கிலும், பெங்களூர் 8-4 என்ற கணக்கிலும் வெற்றி-தோல்விகளை பெற்றுள்ளன.
* இன்றைய ஆட்டத்தில் பெங்களூர் வென்றால் புள்ளிப்பட்டியலில் முதல் 2 இடங்களில் ஒன்றை பிடிக்கும். அதனால் குவாலிபயர் சுற்றையும் உறுதி செய்யும்.
* அதே நேரத்தில் லக்னோ வென்றால் புள்ளிப்பட்டியலில் 7வது இடத்தில் இருந்து 6வது இடத்துக்கு முன்னேறும். மேலும், பெங்களூரு எலிமினேட்டர் சுற்றுக்கு தள்ளப்படும்.

The post கடைசி லீக் போட்டியில் இன்று டாப் 2 கனவில் பெங்களூரு ஆப்பு வைக்குமா லக்னோ? appeared first on Dinakaran.