மேலும் வட மாவட்டங்களில் விழுப்புரம், செங்கல்பட்டு, காஞ்சிபுரம், திருவள்ளூர் மாவட்டங்களில் நேற்று அதிகாலையில் இடியுடன் கூடிய பலத்த மழை பெய்துள்ளது. இதற்கிடையே, தமிழகம், புதுச்சேரி மற்றும் காரைக்கால் பகுதிகளில் அதிகபட்ச வெப்பநிலை இயல்பைவிட 3 டிகிரி செல்சியஸ் வரையில் குறைந்து காணப்பட்டது. தமிழகத்தில் வெப்பநிலை இயல்பை ஒட்டி இருந்தது. மேலும் தமிழக உள் மாவட்டங்களின் சமவெளிப் பகுதிகளில் 96 டிகிரி வரை இருந்தது. மலைப் பகுதியில் இன்னும் குறைந்து காணப்பட்டது.
இதற்கிடையே தென் கிழக்கு அரபிக் கடல் மற்றும் தெற்கு கேரளப் பகுதிகளின் மேல் ஒரு வளி மண்டல கீழடுக்கு சுழற்சி நிலவுகிறது. அதன் காரணமாக தமிழகத்தில் ஒரு சில இடங்களில் இடிமின்னலுடன் கூடிய லேசானது முதல் மிதமான மழை இன்று பெய்யும். மேலும், நீலகிரி, கோவை, தேனி, திண்டுக்கல், மதுரை, விருதுநகர், சிவகங்கை, தென்காசி, கன்னியாகுமரி, திருநெல்வேலி, தூத்துக்குடி, ராமநாதபுரம், புதுக்கோட்டை, தஞ்சாவூர், திருவாரூர் மாவட்டங்களில் ஓரிரு இடங்களில் கனமழை பெய்யும் வாய்ப்புள்ளது.
5ம் தேதியில் நீலகிரி, ஈரோடு, தேனி, திண்டுக்கல், தென்காசி, கிருஷ்ணகிரி, தர்மபுரி, சேலம் மாவட்டங்களில் ஓரிரு இடங்களில் கனமழை பெய்யும். 6ம் தேதியில் இடி மின்னலுடன் கூடிய லேசானது முதல் மிதமான மழை பெய்யும். இதேநிலை 9ம் தேதி வரை நீடிக்கும். இதற்கிடையே, இன்றும் நாளையும் தமிழகத்தில் அதிகபட்ச வெப்பநிலை ஒருசில இடங்களில் இயல்பைவிட 2 டிகிரி செல்சியஸ் முதல் 3 டிகிரி செல்சியஸ் வரையில் குறைய வாய்ப்புள்ளது.
வட உள் தமிழகத்தில் ஒரு சில இடங்களில் 2 டிகிரி செல்சியஸ் வரை உயரவும் வாய்ப்புள்ளது. 6 மற்றும் 7ம் தேதிகளிலும் இயல்பைவிட 2 டிகிரி செல்சியஸ் வரையில் வெப்பநிலை உயரக்கூடும். சென்னையில் இன்று ஓரளவு மேகமூட்டம் காணப்படும். ஒரு சில இடங்களில் லேசான மழை பெய்யும் வாய்ப்புள்ளது. அதிகபட்ச வெப்பநிலை இயல்பையொட்டி இருக்கும்.
The post தென்கிழக்கு அரபிக் கடலில் வளிமண்டல சுழற்சி தமிழகத்தில் கனமழைக்கு வாய்ப்பு: வானிலை ஆய்வு மையம் தகவல் appeared first on Dinakaran.