- கிளம்பாக்கம்
- கோயம்பேடு
- மாதவரம்
- போக்குவரத்து கழகம்
- நகராட்சி போக்குவரத்து கழகம்
- பொங்கல்
- நிர்வாக இயக்குனர்
- தின மலர்
மாதவரம்: பொங்கலையொட்டி கிளாம்பாக்கம், கோயம்பேடு, மாதவரத்திற்கு இன்று முதல் வரும் 13ம் தேதிவரை 320 சிறப்பு இணைப்பு பேருந்துகள் இயக்கப்படும் என மாநகர் போக்குவரத்து கழகம் தெரிவித்துள்ளது. இதுகுறித்து மாநகர் போக்குவரத்துக் கழக மேலாண் இயக்குநர் வெளியிட்ட அறிக்கை: பொங்கல் பண்டிகையை முன்னிட்டு சென்னை மாநகரில் போக்குவரத்து நெரிசலை வெகுவாக குறைத்திடவும், வெளியூர் செல்லும் பயணிகள் எளிதாக பயணிக்கும் வகையிலும், இன்று முதல் வரும் 13ம் தேதிவரை 4 நாட்களுக்கும் வெளியூர் செல்லும் பேருந்துகள் கோயம்பேடு பேருந்து நிலையம், கிளாம்பாக்கம் பேருந்து நிலையம், மாதவரம் புறநகர் பேருந்து நிலையம் ஆகிய 3 இடங்களில் இருந்து புறப்படும் வகையில் ஏற்பாடு செய்யப்பட்டுள்ளது.
சென்னை மாநகரின் பல்வேறு பகுதிகளிலிருந்து மேற்குறிப்பிட்ட 3 பேருந்து நிலையங்கள் பகுதிக்கு மாநகர் பேருந்துகள் ஏற்கனவே இயக்கப்பட்டு வருகின்றன. எனினும் எதிர்வரும் பொங்கல் பண்டிகையை முன்னிட்டு வெளியூர் பயணிகள் மேற்குறிப்பிட்டுள்ள 3 பேருந்து நிலையங்களுக்கு எளிதாக சென்று வெளிமாவட்ட நீண்ட தூர பேருந்துகளை பயன்படுத்திக்கொள்ள ஏதுவாக மாநகர போக்குவரத்துக் கழகம் கூடுதலாக 320 சிறப்பு இணைப்பு பேருந்துகள் இன்று முதல் வரும் 13ம் தேதிவரை 4 நாட்களுக்கு இயக்கப்பட உள்ளது. இவ்வாறு தெரிவிக்கப்பட்டுள்ளது.
The post கிளாம்பாக்கம், கோயம்பேடு, மாதவரத்திற்கு இன்று முதல் வரும் 13ம் தேதி வரை 320 சிறப்பு பேருந்துகள் இயக்கம்: போக்குவரத்து கழகம் தகவல் appeared first on Dinakaran.
