- தமிழ்நாடு: உச்ச நீதிமன்றம்
- ராமேஸ்வரம்
- இலங்கை கடற்படை
- கமாண்டர்
- வடமேற்கு
- கட்டளை
- இலங்கை
- இலங்கை கடற்படை…
- தின மலர்
ராமேஸ்வரம்: தமிழகத்திற்கு படகில் கடத்தி வந்த ரூ.28 கோடி மதிப்பிலான தங்கக்கட்டிகள் இலங்கை கடற்படையால் பறிமுதல் செய்யப்பட்டது. இதுதொடர்பாக 3 பேர் கைதாயினர். இலங்கையிலிருந்து தங்கக்கட்டிகளை தமிழகத்திற்கு கடத்தி செல்வதாக இலங்கை கடற்படையின் வடமேற்கு கட்டளை தளபதிக்கு கிடைத்த தகவலின்பேரில், இலங்கை கற்பிட்டி பத்தலண்குண்டுவ கடற்பகுதியில் கடற்படையினர் தீவிர கண்காணிப்பு நடவடிக்கையில் ஈடுபட்டனர். அப்போது சந்தேகத்திற்கிடமாக சென்ற பிளாஸ்டிக் படகு ஒன்றை மடக்கி சோதனை செய்தனர். படகில் மறைத்து வைக்கப்பட்டிருந்த 11 கிலோ 300 கிராம் எடையுடைய தங்கக்கட்டிகளை கைப்பற்றி கடத்தலில் ஈடுபட்ட கற்பிட்டியை சேர்ந்த 40 வயதான மூவரை கைது செய்தனர்.
படகை பறிமுதல் செய்த கடற்படையினர் தங்க கட்டிகளுடன் மூன்று பேரையும் சுங்கத்துறை அதிகாரிகளிடம் ஒப்படைத்தனர். பறிமுதல் செய்த தங்க கட்டிகளின் சர்வதேச மதிப்பு ரூ.28 கோடி என அதிகாரிகள் தெரிவித்துள்ளனர். பிடிப்பட்ட தங்க கட்டிகள் ராமநாதபுரம் மாவட்ட கடலோர பகுதியில் உள்ள தங்கம் கடத்தல்காரர்களிடம் ஒப்படைக்க கொண்டு வர இருந்ததாக இலங்கை வட்டார அதிகாரிகள் தெரிவித்துள்ளனர். இது தொடர்பாக பாம்பன், மண்டபம் மற்றும் வேதாளை பகுதிகளில் ஒன்றிய, மாநில புலனாய்வு பிரிவு அதிகாரிகள் தங்கம் யாருக்கு கடத்தப்பட்டது? வேறு கடத்தல் தங்கம் வந்துள்ளதா என்கிற கோணத்தில் விசாரணை நடத்தி வருகின்றனர்.
The post தமிழகத்திற்கு கடத்தி வந்த ரூ.28 கோடி தங்கம் பறிமுதல்: 3 பேர் படகுடன் கைது appeared first on Dinakaran.
