சென்னை: தங்கம் விலை நேற்று சவரனுக்கு ரூ120 குறைந்து ஒரு சவரன் ரூ56,720க்கு விற்பனை செய்யப்பட்டது. இந்த வாரத்தின் தொடக்க நாளான கடந்த 25ம் தேதி (திங்கட்கிழமை) தங்கம் விலை சவரனுக்கு ரூ800 குறைந்து ஒரு சவரன் ரூ57,600க்கு விற்கப்பட்டது. தொடர்ந்து 26ம் தேதி தங்கம் விலை சவரனுக்கு ரூ960 குறைந்து ஒரு சவரன் ரூ56,640க்கு விற்பனையானது. தொடர்ந்து 2 நாட்களில் மட்டும் தங்கம் விலை சவரனுக்கு ரூ1,760 குறைந்தது. இந்த அதிரடி விலை குறைவு நகை வாங்குவோரை மகிழ்ச்சியில் ஆழ்த்தியது.
2 நாட்களுக்கு பிறகு நேற்று முன்தினம் தங்கம் விலை சற்று அதிகரித்தது. அதாவது, நேற்று முன்தினம் தங்கம் விலை கிராமுக்கு ரூ25 உயர்ந்து ஒரு கிராம் ரூ7,105க்கும், சவரனுக்கு ரூ200 உயர்ந்து ஒரு சவரன் ரூ56,840க்கும் விற்பனையானது. இந்நிலையில், நேற்று தங்கம் விலை மீண்டும் குறைந்தது. அதாவது, கிராமுக்கு ரூ15 குறைந்து ஒரு கிராம் ரூ7,090க்கும், சவரனுக்கு ரூ120 குறைந்து ஒரு சவரன் ரூ56,720க்கும் விற்பனை செய்யப்பட்டது.
அதேபோல், நேற்று வெள்ளி விலையில் எந்தவித மாற்றமும் இன்றி ஒரு கிராம் ரூ98க்கும், கிலோ ரூ98,000க்கும் விற்பனையானது. அதே நேரத்தில் ஜனவரி மாதம் வரை தங்கம் விலை ஏற்றம், இறக்கமாகவே இருக்கும் என்று கூறப்படுகிறது.
The post தங்கம் விலை சவரனுக்கு ரூ120 குறைந்தது appeared first on Dinakaran.
