- தென்காசி நகராட்சி அறிவுசார்
- தென்காசி
- ஜனாதிபதி
- சதீர் பேச்சு
- தென்காசி நகராட்சி அறிவுசார்
- தென்காசி நகராட்சி
- மாநகர
- அறிவுசார்
- மையம்
- தின மலர்
தென்காசி : தென்காசி நகராட்சி அறிவுசார் மையத்தில் போட்டித்தேர்விற்கு பயின்று குரூப் 4 தேர்வில் வெற்றி பெற்று சாதனை படைத்த நான்கு பேரை நகர்மன்ற தலைவர் சாதிர் பாராட்டி பரிசு வழங்கினார். தென்காசி நகராட்சி சார்பில் சுற்றுவட்டார பகுதி இளைஞர்களின் நலன் கருதி தென்காசி புதிய பேருந்து நிலைய வளாகத்திற்குள் 2.25 கோடி ரூபாய் மதிப்பீட்டில் கட்டி முடிக்கப்பட்ட அறிவுசார் மையத்தை கடந்த சில மாதங்களுக்கு முன்பு தமிழக முதல்வர் மு.க.ஸ்டாலின் வீடியோ கான்பரன்ஸ் முறையில் திறந்து வைத்தார். இதனையடுத்து இந்த அறிவுசார் மையத்தில் அனைத்து வகை சார்ந்த ஆயிரக்கணக்கான புத்தகங்கள் அமைக்கப்பட்டு சிறப்பாக செயல்பட்டு வருகிறது.
இதனால் தென்காசி மட்டுமல்லாமல் சுற்றுவட்டார பகுதி பல்வேறு கிராமங்களில் இருந்து தினமும் சுமார் 200க்கும் மேற்பட்ட மாணவ, மாணவிகள் போட்டி தேர்வு உள்ளிட்ட பல்வேறு அறிவு சார்ந்த புத்தகங்களை பயின்று வருகின்றனர். இந்நிலையில் இந்த அறிவு சார் மையத்தில் பயின்ற தென்காசியை சேர்ந்த பிரகாஷ், கடையத்தை சேர்ந்த சத்யா, இலத்தூரை சேர்ந்த அழகு நாச்சியார், கீழப்புலியூரை சேர்ந்த ஜெயலட்சுமி ஆகியோர் குரூப் 4 தேர்வில் வெற்றி பெற்று சாதனை படைத்துள்ளனர்.
இவர்களுக்கு நேற்று அறிவுசார் மையத்தில் வைத்து பாராட்டு விழா நடந்தது. விழாவிற்கு நகர்மன்ற தலைவர் சாதிர் தலைமை வகித்து மாணவ, மாணவிகளுக்கு சால்வை அணிவித்து நினைவு பரிசுகளை வழங்கி சிறப்புரையாற்றினார்.
நகராட்சி ஆணையாளர் ரவிச்சந்திரன், பொறியாளர் ஹசீனா, உதவி செயற்பொறியாளர் ஜெயப்பிரியா கவுன்சிலர் வசந்தி வெங்கடேஸ்வரன் முன்னிலை வகித்தனர். நூலகர் புஷ்பராஜ் வரவேற்றார். விழாவில் திமுக நகர பொருளாளர் ஷேக்பரீத், ரோட்டரி கிளப் ஆப் குற்றாலம் மெட்ரோ தலைவர் வெங்கடேஸ்வரன் உள்ளிட்ட ஏராளமான மாணவிகள் பங்கேற்றனர். அறிவுசார் மைய இளநிலை உதவியாளர் ஆண்டாள் நன்றி கூறினார்.
The post தென்காசி நகராட்சி அறிவுசார் மையத்தில் பயின்று குரூப் 4 தேர்வில் வென்ற 4 பேருக்கு பாராட்டு appeared first on Dinakaran.
