செங்குன்றத்தில் புதிய மின்மாற்றிகள் திறப்பு

புழல்: செங்குன்றத்தில் புதியதாக அமைக்கப்பட்ட 2 மின் மாற்றிகளை, பொதுமக்கள் பயன்பாட்டிற்காக மாதவரம் எம்எல்ஏ எஸ்.சுதர்சனம் திறந்து வைத்தார். செங்குன்றம் சமுதாயக்கூடம் அருகே 2 மின் மாற்றிகள் அமைக்கப்பட்டு, அதன் திறப்பு விழா நேற்று நடந்தது. ஆவடி மினவாரிய செயற்பொறியாளர் சௌந்தரராஜன் தலைமை தாங்கினார். செங்குன்றம் உதவி செயற்பொறியாளர் விஜயகுமார் உதவி பொறியாளர் கமலக்கண்ணன் ஆகியோர் முன்னிலை வகித்தனர்.

இதில், மாதவரம் எம்எல்ஏ எஸ்.சுதர்சனம் கலந்துகொண்டு, புதிதாக அமைக்கப்பட்ட மின்மாற்றிகளை பொதுமக்கள் பயன்பாட்டிற்காக திறந்து வைத்தார். இந்நிகழ்வில் பேரூராட்சி தலைவர் தமிழரசி குமார், துணை தலைவர் விப்ர நாராயணன், பேரூராட்சி கவுன்சிலர்கள் உள்ளிட்ட பலர் கலந்துகொண்டனர்.

The post செங்குன்றத்தில் புதிய மின்மாற்றிகள் திறப்பு appeared first on Dinakaran.