குடியாத்தம், நவ.20: பேரணாம்பட்டு அருகே 14 வயது சிறுமியை கர்ப்பமாக்கிய வாலிபரை போலீசார் போக்சோ சட்டத்தின் கீழ் கைது செய்தனர். பேரணாம்பட்டு அருகே ஒரு கிராமத்தை சேர்ந்தவர் 14 வயது சிறுமி. இவர் பள்ளிக்குச் செல்லாமல் வீட்டில் இருந்து வருகிறார். சிறுமியும் அதே பகுதியை சேர்ந்த அவரது உறவினரான சிவாஜி மகன் சம்பத்(20) என்பவரும் கடந்த சில ஆண்டுகளாக காதலித்து நெருங்கி பழகி வந்தனர். இந்நிலையில், கடந்த சில தினங்களுக்கு முன்பு சிறுமிக்கு வயிற்று வலி ஏற்பட்டுள்ளது. அவரது பெற்றோர் சிறுமியை பேரணாம்பட்டு அரசு மருத்துவமனைக்கு சிகிச்சைக்காக அழைத்து சென்றனர். அங்கு பரிசோதித்த மருத்துவர்கள் சிறுமி 4 மாதம் கர்ப்பமாக இருப்பதாக தெரிவித்தனர். இதனை கேட்டு அதிர்ச்சியடைந்த பெற்றோர் சிறுமியிடம் விசாரித்தனர். அப்போது சம்பத் ஆசைவார்த்தை கூறி சிறுமியை கர்ப்பமாக்கியது கண்டறியப்பட்டது. இதுகுறித்து சிறுமியின் பெற்றோர் குடியாத்தம் அனைத்து மகளிர் காவல் நிலையத்தில் புகார் அளித்தனர். அதனடிப்படையில் போலீசார் சம்பத் மீது போக்சோ சட்டத்தின் கீழ் வழக்கு பதிந்து நேற்று கைது செய்தனர். தொடர்ந்து போலீசார் விசாரணை நடத்தி வருகின்றனர்.
The post 14 வயது சிறுமி கர்ப்பம் வாலிபர் போக்சோவில் கைது பேரணாம்பட்டு அருகே appeared first on Dinakaran.
