திருவனந்தபுரம்: சபரிமலையில் நேற்று முதல் பக்தர்கள் வருகை தொடர்ந்து அதிகரித்து வருகிறது. கடந்த 4 நாளில் 2.60 லட்சத்திற்கும் அதிகமான பக்தர்கள் தரிசனம் செய்து திரும்பினர். சபரிமலை ஐயப்பன் கோயிலில் தற்போது மண்டல கால பூஜைகள் நடைபெற்று வருகின்றன. நடை திறக்கப்பட்ட கடந்த 15ம் தேதி மாலையிலும், மறுநாள் 16ம் தேதியும் பக்தர்கள் அதிக அளவில் வந்தனர். ஆனால் 17ம் தேதி ஞாயிற்றுக்கிழமை விடுமுறை நாளாக இருந்த போதிலும் பக்தர்கள் வருகை குறைவாகவே காணப்பட்டது. ஆனால் நேற்று காலை முதல் பக்தர்கள் வருகை அதிகரிக்கத் தொடங்கியது.

இதற்கிடையே நேற்று முதல் சன்னிதானத்தில் உள்ள பெரிய வரிசை வளாகம், மரக்கூட்டம் உள்பட பகுதிகளில் பக்தர்கள் வரிசையில் காத்திருந்து தரிசனம் செய்து வருகின்றனர். நடைதிறந்த 4 நாளில் நேற்று இரவு வரை 2.60 லட்சத்திற்கும் அதிகமான பக்தர்கள் தரிசனம் செய்துள்ளனர். அதைத்தொடர்ந்து இன்று அதிகாலை 3 மணிக்கு நடை திறக்கும்போது பக்தர்கள் தரிசனத்திற்காக நீண்ட வரிசையில் காத்திருந்தனர். தற்போதும் பக்தர்கள் வருகை தொடர்ந்து அதிகரித்து வருகிறது.

The post 4 நாளில் 2.60 லட்சம் பேர் தரிசனம்: சபரிமலையில் பக்தர்கள் வருகை அதிகரிப்பு appeared first on Dinakaran.