குளித்தலை தமிழ் பேரவை கூட்டம்

குளித்தலை, நவ.18: கரூர் மாவட்டம் குளித்தலை தமிழ் பேரவை கூட்டம் கூட்ட அரங்கில் நடைபெற்றது. இக்கூட்டத்திற்கு தமிழ் பேரவை தலைவர் கடவூர் மணிமாறன் தலைமை வகித்தார். துணைத் தலைவர் அறிவு கண்ணன் வரவேற்றார். ஆசிரியர் தண்டபாணி, வரத சிகாமணி ஆகியோர் திருக்குறள் விளக்கம் அளித்து பேசினர். பொய்யாமணி அரசு பள்ளி எட்டாம் வகுப்பு மாணவி மேகவர்ஷனா ஜவஹர்லால் நேரு குறித்து பேசினார். விழாவில் நாமக்கல் ஆசிரியர் பழனிச்சாமி எழுதிய செந்தமிழ்ச்சோலை கவிதை நூல் வெளியிட கிராமிய நாராயணன் பெற்றுக் கொண்டார். காந்தி மகளிர் கலை அறிவியல் கல்லூரி தாளாளர் சண்முகசுந்தரம் நாமக்கல் பேராசிரியர் திருமலை முன்னாள் முதன்மை மாவட்ட கல்வி அலுவலர் திருநாவுக்கரசு மணமேடு குருநாதன் ஆகியோர் வாழ்த்துரை வழங்கினர். நூல் ஆசிரியர் பழனிச்சாமி ஏற்புரை ஏற்றார்.
இவ்விழாவில் தமிழ் அறிஞர்கள் இளைஞர்கள் பள்ளி மாணவர்கள் கலந்து கொண்டனர். முடிவில் நல்லாசிரியர் அந்தோணிசாமி நன்றி கூறினார்.

The post குளித்தலை தமிழ் பேரவை கூட்டம் appeared first on Dinakaran.