சென்னை, நவ. 14: வேளச்சேரி எம்ஜிஆர் 2வது குறுக்கு தெருவை சேர்ந்தவர் சகுந்தலா. இவர் போக்குவரத்து காவலர். நேற்று மாலை ஆற்காடு சாலையில் போக்குவரத்து பணியில் ஈடுபட்டிருந்தார். அங்குள்ள போலீஸ் பூத் அருகே பூக்கடை வைத்து நடத்தி வரும் பெண்ணின் குழந்தையை பார்த்து போதையில் இருந்த நபர் ஆபாசமாக பேசி உள்ளார். இதுபற்றி பெண் காவலரிடம் சிறுமி கூறியுள்ளார். உடனே பெண் காவலர் அந்த நபரிடம் ஏன் இப்படி நடந்து கொள்கிறாய் என்று கேட்டுள்ளார். அப்போது பெண் காவலரிடம் அவர் தவறாக நடந்ததாக கூறப்படுகிறது. பின்னர் அந்த நபர் பெண் காவலரை தாக்கியுள்ளார். பின்னர் பாதிக்கப்பட்ட பெண் காவலர் காவல் கட்டுப்பாட்டு அறைக்கு தகவல் கொடுத்தார். போலீசார் சம்பவ இடத்திற்கு வந்து அந்த நபரை பிடித்து விசாரித்தனர். அதில், அவர் கோடம்பாக்கம் பகுதியை சேர்ந்த மோகன்ராஜ் என்பதும் டாஸ்மாக் கடையில் பணிபுரிவதும் தெரியவந்தது. மேலும் அவரை காவல் நிலையம் அழைத்து வந்து விசாரணை நடத்தி வருகின்றனர். பாதிக்கப்பட்ட பெண் காவலர் கே.கே. நகர் அரசு மருத்துவமனையில் சிகிச்சை பெற்று வருகிறார்.
The post பெண் காவலரை தாக்கிய டாஸ்மாக் ஊழியர்: போலீசார் விசாரணை appeared first on Dinakaran.
