கூடலூர்: தேனி மாவட்டம், கூடலூர், ஆசாரிமார் தெருவை சேர்ந்தவர்கள் லிங்கேஷ் (24), சேவாக் (23), சஞ்சய் (22), மோனிஷ் (22), கேசவன் (22). இவர்கள் 5 பேரும் நண்பர்கள். வெளியூர்களில் தங்கி வேலை பார்த்து வந்தனர். தீபாவளி விடுமுறைக்காக அனைவரும் சொந்த ஊருக்கு வந்து சந்தித்தனர். கடந்த அக்.30ம் தேதி கம்பம் – கூடலூர் தேசிய நெடுஞ்சாலையில் வீலிங் உட்பட பைக் சாகச விளையாட்டில் ஈடுபட்டதாக கூறப்படுகிறது. இதில் 3 பேர் ஒரு பைக்கிலும், 2 பேர் ஒரு பைக்கிலும் சென்றுள்ளனர்.
எதிர்பாராதவிதமாக இரண்டு பைக்குகளும் நேருக்கு நேர் பயங்கரமாக மோதின. இதனால் 2 பைக்குகளும் அப்பளம் போல் நொறுங்கியது. இதில் லிங்கேஷ், சேவாக் ஆகிய இருவரும் சம்பவ இடத்திலேயே பரிதாபமாக இறந்தனர். மற்றவர்களை அங்கிருந்தவர்கள் மீட்டு கம்பம் அரசு மருத்துவமனைக்கு சிகிச்சைக்காக அனுப்பிவைத்தனர். அங்கு சஞ்சய் சிகிச்சை பலனின்றி இறந்தார். மோனிஷ், கேசவன் ஆகியோர் மேல் சிகிச்சைக்காக தேனி அரசு மருத்துவமனைக்கு அனுப்பி வைக்கப்பட்டனர்.
The post பைக் சாகசம்; 3 பேர் பலி appeared first on Dinakaran.
