இதுதொடர்பாக அதே கிராமத்தை சேர்ந்த குமாரின் நண்பர்கள் மற்றும் உறவினர்கள் உட்பட 10 பேரை சந்தேகத்தின்பேரில் பிடித்து போலீசார் விசாரித்து வந்தனர். இவர்களில் 5 பேரை நேற்று விடுவித்தனர். ஆனால் மற்ற 5 பேரிடம் போலீசார் தீவிரமாக விசாரணை நடத்தினர். இதனிடையே மற்ற 5 பேரையும் விடுவிக்கக்கோரி அவர்களது உறவினர்கள் மற்றும் நண்பர்கள் உள்ளிட்ட 50க்கும் மேற்பட்டோர் போலீஸ் நிலைய வளாகம் முன் நேற்றிரவு குவிந்தனர்.
இதுகுறித்து தகவலறிந்த டிஎஸ்பி ரவிச்சந்திரன் விரைந்து சென்று பேச்சுவார்த்தை நடத்தினார். அப்போது, `உண்மையான குற்றவாளியை நெருங்கிவிட்டோம். கொலையில் சம்பந்தம் இல்லாதவர்களை விரைவில் விடுவிப்போம்’ என கூறினார். இதையேற்று அவர்கள் கலைந்து சென்றனர்.
இந்நிலையில் இன்று அதிகாலை 5 பேரில் ஒருவரான தட்டப்பாறையை சேர்ந்த மனோஜ் (24) என்பவரை போலீசார் கைது செய்தனர். இவர் கொலையான குமாரின் நண்பர் ஆவார். குடிபோதையில் ஏற்பட்ட தகராறில் குமாரை கல்லால் தாக்கி கொலை செய்ததாக அவர் ஒப்புக்கொண்டுள்ளார். இதையடுத்து மற்ற 4 பேரையும் விடுவித்தனர். இதையடுத்து கைது செய்யப்பட்ட மனோஜை போலீசார் குடியாத்தம் மாஜிஸ்திரேட் முன் ஆஜர்படுத்தி வேலூர் மத்திய சிறையில் அடைத்தனர்.
The post குடியாத்தம் அருகே கட்டிட தொழிலாளி கொலை வழக்கு; குடிபோதை தகராறில் கல்லால் தாக்கி கொன்றேன்: நண்பர் வாக்குமூலம் appeared first on Dinakaran.