சென்னை: வார தொடக்க நாளான நேற்று தங்கம் விலை பவுனுக்கு ரூ.120 உயர்ந்தது.தங்கம் விலை ஏற்றம், இறக்கத்துடன் இருந்து வருகிறது. கடந்த 18ம் தேதி தங்கம் விலை பவுனுக்கு ரூ.280 உயர்ந்து, ஒரு பவுன் ரூ.1 லட்சத்து 5,080க்கு விற்பனையானது. நேற்று முன்தினம் ஞாயிற்றுக்கிழமை விடுமுறை தினம் என்பதால் தங்கம் விலையில் எவ்வித மாற்றமும் இன்றி விற்பனையானது.
இந்நிலையில் ஒரு நாள் விடுமுறைக்கு பிறகு நேற்று தங்கம் மார்க்கெட் தொடங்கியது.
அதுவும் வார தொடக்க நாளான நேற்று தங்கம் விலை சற்று அதிகரித்தது. அதன்படி தங்கத்தின் விலை கிராமுக்கு ரூ.15 உயர்ந்து ஒரு கிராம் ரூ.13,150க்கும், பவுனுக்கு ரூ.120 உயர்ந்து ஒரு பவுன் ரூ.1 லட்சத்து 5,200க்கும் விற்பனையானது. அதே நேரத்தில் வெள்ளி விலையில் எந்தவித மாற்றமும் ஏற்படவில்லை. ஒரு கிராம் வெள்ளி ரூ.235க்கும், பார் வெள்ளி ரூ.2.35 லட்சத்துக்கும் விற்பனையானது.
