சென்னை: சென்னையில் ஆபரணத் தங்கத்தின் விலை சவரனுக்கு ரூ.120 உயர்ந்து ரூ.1,05,200க்கு விற்பனை செய்யப்படுகிறது.
தங்கம் விலை தொடர்ந்து ஏற்றம், இறக்கத்துடன் இருந்து வருகிறது. அந்த வகையில் 16ம் தேதி தங்கம் விலை பவுனுக்கு ரூ.240 குறைந்தது. தொடர்ந்து வெள்ளிகிழமை தங்கம் விலை கிராமுக்கு ரூ.50 குறைந்து, ஒரு கிராம் ரூ.13,100க்கும், பவுனுக்கு ரூ.400 குறைந்து, ஒரு பவுன் ரூ.1 லட்சத்து 4,800க்கும் விற்பனையானது. இந்த நிலையில் வாரத்தின் இறுதிநாளான கடந்த சனிக்கிழமை தங்கம் விலை சற்று உயர்ந்தது.
அதன்படி தங்கம் விலை கிராமுக்கு ரூ.35 உயர்ந்து ஒரு கிராம் ரூ.13,135க்கும், பவுனுக்கு ரூ.280 உயர்ந்து, ஒரு பவுன் ரூ.1 லட்சத்து 5,080க்கும் விற்பனையானது. வெள்ளி விலையில் கடந்த சனிக்கிழமை எந்த மாற்றமும் ஏற்படவில்லை. ஒரு கிராம் வெள்ளி ரூ.235க்கும், பார் வெள்ளி ரூ.2.35 லட்சத்துக்கும் விற்பனையானது. நேற்று ஞாயிற்றுக்கிழமை என்பதால் தங்கம் மார்க்கெட்டுக்கு விடுமுறையாகும். இன்று (திங்கட்கிழமை) மார்க்கெட் தொடங்கியது.
சென்னையில் ஆபரணத் தங்கத்தின் விலை சவரனுக்கு ரூ.120 உயர்ந்து ரூ.1,05,200க்கு விற்பனை செய்யப்படுகிறது. ஆபரணத் தங்கம் விலை கிராமுக்கு ரூ.15 உயர்ந்து ரூ.13,150க்கு விற்பனையாகிறது. சென்னையில் வெள்ளி விலை மாற்றமின்றி ஒரு கிராமுக்கு ரூ.235க்கும், கிலோ ரூ.2,35,000க்கும் விற்பனை செய்யப்படுகிறது.
