சென்னை: சென்னையில் இன்று ஆபரணத் தங்கம் விலை சவரனுக்கு ரூ.280 உயர்ந்து ரூ.1,05,080க்கு விற்பனை செய்யப்படுகிறது. தங்கம் விலை ஒரு கிராம் ரூ.13,135க்கு விற்பனை செய்யப்படுகிறது. சென்னையில் சில்லறை வர்த்தகத்தில் வெள்ளி விலை மாற்றமின்றி ஒரு கிராம் ரூ.235க்கு விற்பனையாகிறது.
சர்வதேச பொருளாதார நிலைமைகள், அமெரிக்க டாலரின் மதிப்பு மாற்றம், வட்டி விகித ஏற்றத்தாழ்வுகள், புவியியல் அரசியல் பதற்றங்கள் உள்ளிட்ட பல்வேறு காரணிகளை அடிப்படையாகக் கொண்டு தங்கத்தின் விலை தினந்தோறும் நிர்ணயம் செய்யப்படுகிறது.
இதை அடுத்து சென்னையில் நேற்று ஆபரணத் தங்கம் விலை ஒரு சவரனுக்கு ரூ.400 குறைந்து ரூ.1,04,800க்கு விற்பனையானது. ஆபரணத் தங்கத்தின் விலை கிராமுக்கு ரூ.50 குறைந்து ரூ.13,100க்கு விற்பனை செய்யப்பட்டது குறிப்பிடத்தக்கது. அதே போல நேற்று சென்னையில் சில்லறை வர்த்தகத்தில் ஒரு கிராம் வெள்ளி விலை ரூ.235க்கு விற்பனை செய்யப்பட்டது.
தங்கம் விலை கடந்த சில மாதங்களாக ஏற்றம், இறக்கத்துடன் காணப்பட்டு வந்ததது. இதற்கிடையில் கடந்த 11ம் தேதி முதல் 14ம் தேதி வரை தங்கம் விலை பவுனுக்கு ரூ.1,600 வரை குறைந்தது. இந்த விலை குறைவு நகை வாங்குவோருக்கு சற்று ஆறுதலை அளித்திருந்த நிலையில் தற்போது தங்கம் விலை கணிசமாக அதிகரித்தது.
