டோக்கியோ: ஜப்பான் ஓபன் பேட்மின்டன் தொடரின் மகளிர் ஒற்றையர் பிரிவு காலிறுதியில் விளையாட, இந்தியாவின் நட்சத்திர வீராங்கனை பி.வி.சிந்து தகுதி பெற்றார். இரண்டாவது சுற்றில் சீனாவின் ஹான் யுவே (5வது ரேங்க்) உடன் நேற்று மோதிய சிந்து (10வது ரேங்க்) 21-16, 21-14 என்ற நேர் செட்களில் வெற்றியை வசப்படுத்தினார். இப்போட்டி 35 நிமிடங்களில் முடிவுக்கு வந்தது.
ஹான் யுவே உடன் இதுவரை 9 முறை மோதியுள்ள சிந்து 8-1 என ஆதிக்கம் செலுத்தியுள்ளது குறிப்பிடத்தக்கது. காலிறுதியில் ஜப்பானின் நஸோமி ஓகுஹராவுடன் சிந்து மோத உள்ளார். கலப்பு இரட்டையர் பிரிவு காலிறுதிக்கு முந்தய சுற்றில் இந்தியாவின் தனிஷா கிராஸ்டோ துருவ் கபிலா இணை 20-22, 17-21 என்ற நேர் செட்களில் சீனாவின் பெங் யான் ஷெ ஹுவாங் டாங்க் பிங் ஜோடியிடம் போராடி தோற்றது.
