கார்டிப்: இந்திய அணிக்கு எதிரான 2வது ஒருநாள் போட்டியில் 4 விக்கெட்டுகள் வித்தியாசத்தில் இங்கிலாந்து அணி வெற்றி பெற்றது. இங்கிலாந்து அணியுடனான 2வது ஒருநாள் போட்டியில், இந்தியா 44 ஓவரில் 233 ரன்னுக்கு ஆல் அவுட்டானது. சோபியா கார்டன்ஸ் மைதானத்தில் நேற்று நடந்த இப்போட்டியில், டாஸ் வென்ற இங்கிலாந்து பந்துவீசியது. ரோகித், கில் இணைந்து இந்திய இன்னிங்சை தொடங்கினர். கில் 31, ரோகித் 26 ரன்னில் பெவிலியன் திரும்ப, இஷான் 1 ரன்னில் அவுட்டானார். கோஹ்லி -ஷ்ரேயாஸ் ஜோடி 4வது விக்கெட்டுக்கு 67 ரன் சேர்த்தது.
கோஹ்லி 65 ரன் எடுக்க, அடுத்து வந்த வீரர்கள் சொற்ப ரன்னில் அணிவகுத்தனர். ஷ்ரேயாஸ் 66 ரன்னில் அவுட்டாக, இந்தியா 44 ஓவரிலேயே 233 ரன்னுக்கு ஆல் அவுட்டானது. பும்ரா 20 ரன்னுடன் (13 பந்து, 3 பவுண்டரி, 1 சிக்சர்) ஆட்டமிழக்காமல் இருந்தார். ஆர்ச்சர், அட்கின்சன் தலா 3, சகிப் 2, சாம், ஜாக்ஸ் தலா 1 விக்கெட் வீழ்த்தினர். பின்னர் களமிறங்கிய இங்கிலாந்து அணி 44.1 ஓவர்களில் 6 விக்கெட்டுகள் இழப்புக்கு 235 ரன்கள் எடுத்து வெற்றி பெற்றது. இங்கிலாந்து அணியில் அதிகபட்சமாக ஜோ ரூட் 99* ரன்களும், வில் ஜாக்ஸ் 30 ரன்களும் எடுத்து வெற்றிக்கு வித்திட்டனர்.
