நாளை நடைபெற இருந்த அதிமுக தேனி மாவட்ட ஆலோசனை கூட்டம் ஒத்திவைப்பு

சென்னை: அதிமுக தலைமைக் கழகம் வெளியிட்ட அறிவிப்பு: அதிமுக அண்ணா தொழிற்சங்கப் பேரவையில் இணைந்து செயல்பட்டு வரும் போக்குவரத்துப் பிரிவு, மின்சாரப் பிரிவு, தமிழ் நாடு நுகர்பொருள் வாணிபக் கழகம் உள்ளிட்ட பல்வேறு பிரிவுகளில் செயல்பட்டு வரும் அண்ணா தொழிற்சங்கங்கள் மற்றும் இணைப்புச் சங்கங்களின் செயல்பாடுகள் குறித்தும், தொழிற்சங்க வளர்ச்சிப் பணிகள் குறித்தும், ` அதிமுக அண்ணா தொழிற்சங்க மாவட்ட ஆலோசனைக் கூட்டங்கள்’ கடந்த 29ம் தேதி முதல் வருகிற 20ம் தேதி வரை நடைபெறுவதாக ஏற்கெனவே அறிவிக்கப்பட்டது.

இந்த நிலையில், 14ம் தேதி(நாளை) பிற்பகல் 3 மணியளவில் தேனியில் நடைபெறுவதாக இருந்த தேனி கிழக்கு, தேனி மேற்கு ஆகிய மாவட்டங்களுக்கான ஆலோசனைக் கூட்டம் மட்டும் ஒத்திவைக்கப்பட்டு, வருகின்ற 28ம் தேதி(செவ்வாய் கிழமை) காலை 10 மணியளவில் நடைபெறும். இந்த ஆலோசனைக் கூட்டம், அண்ணா தொழிற்சங்கப் பேரவைச் செயலாளர் பெல்.இரா.தமிழரசன் தலைமையிலும், அண்ணா தொழிற்சங்கப் பேரவை நிர்வாகிகள் முன்னிலையிலும் நடைபெறும். இவ்வாறு அதில் கூறப்பட்டுள்ளது.