மும்பை: சினிமாவில் இருந்து விலகிய நடிகை பெர்சாத் சொராபியன் கோழிப்பண்ணை தொழிலில் கொடிகட்டி பறக்கிறார். பாலிவுட் நடிகர் அமிதாப் பச்சன் போன்ற முன்னணி நடிகர்களுடன் நடித்து முத்திரை பதித்த எம்பிஏ பட்டதாரியான நடிகை பெர்சாத் சொராபியனின் தந்தை கொடுத்த அழுத்தம் காரணமாக, அவர் நடிப்பைத் தொடர விரும்பினாலும், 33 வயது திருமணத்திற்கு பிறகு குடும்ப வாழ்க்கையில் கவனம் செலுத்தத் தொடங்கினார். இதனால் அனில் கபூர் நடித்த ‘பிளாக் அண்ட் ஒயிட்’ போன்ற பெரிய வாய்ப்புகளைத் தவிர்த்த இவர், பாலிவுட் திரையுலகில் இருந்து மெல்ல விலகினார்.
தற்போது தனது குடும்பத் தொழிலான ‘சொராபியன் சிக்கன்’ நிறுவனத்தை முன்னெடுத்துச் சென்று, அதை 120 கோடி ரூபாய் வருவாய் ஈட்டும் மிகப்பெரிய நிறுவனமாக மாற்றி சாதித்துள்ளார். சுமார் 700க்கும் மேற்பட்ட ஊழியர்கள் பணியாற்றும் இந்த கோழிப்பண்ணை நிறுவனத்தை, சரிவிலிருந்து மீட்டு வெற்றிகரமான வியூகம் மூலம் பெர்சாத் கொண்டு வந்துள்ளார். தனது வெற்றி குறித்துக் கூறிய அவர், ‘திரைத்துறைக்குள் நுழைந்தது என்பது திட்டமிடப்படாத நிகழ்வு, ஆனால் தொழில் முனைவோராக வேண்டும் என்பது 8 வயது முதலே எனது கனவாக இருந்தது’ என்று தெரிவித்தார்.
தற்போது மும்பையில் தனது கணவர் போமன் இரானி மற்றும் குழந்தைகளுடன் வசித்து வரும் இவர், காதல் மற்றும் அர்ப்பணிப்புடன் கூடிய தலைமைத்துவமே தனது தொழில் வளர்ச்சிக்குக் காரணம் என்று நெகிழ்ச்சியுடன் குறிப்பிடுகிறார்.
