சென்னை: நடிகர் ரஜினிகாந்தின் மனைவி லதா ரஜினிகாந்த் நேற்று ‘மக்கள் மேடை’ என்ற புதிய மக்கள் இயக்கத்தை தொடங்கி உள்ளதாக அறிவித்தார். மாற்றத்தை விரும்பும் அனைத்து தரப்பு மக்களும் தங்களோடு கைகோர்க்கலாம் என்று லதா ரஜினிகாந்த் அழைப்பு விடுத்துள்ளார். இணைய விரும்புவோருக்காக 7550080515 என்ற மொபைல் எண்ணும் makkalmedaitn12@gmail.com என்ற மின்னஞ்சல் முகவரியும் அறிவிக்கப்பட்டுள்ளது.
இதுகுறித்து லதா ரஜினிகாந்த் பேசிய வீடியோவில், ‘‘சிட்டிசன் பிளாட்பார்ம் என்ற எங்கள் இயக்கத்தில் சேரலாம். பெரும் மக்கள் சேவையாக மக்கள் சக்தியாக உருவாகி இந்த சமூகத்திற்கு பல நன்மைகளை செய்ய முன்வர வேண்டும். மூத்த குடிமக்கள், ஐஏஎஸ், ஐபிஎஸ், அரசு அதிகாரிகள், ஆசிரியர்கள் என யாராக இருந்தாலும் உங்களின் அனுபவத்தை எங்களுக்கு கொடுக்கலாம்.
உள்ளூர் தலைவர்களை உருவாக்க நாங்கள் விரும்புகிறோம்’’ என்று கூறியுள்ளார். நேற்று காலை பாஜவின் முன்னாள் மாநில தலைவர் அண்ணாமலை ‘வீ தி லீடர்ஸ்’ என்ற ஒரு இயக்கத்தை தொடங்கினார். சோஷியல் மீடியா மூலம் இந்த இயக்கத்தை தொடங்கி அதில் இணைவதற்கு தமிழக மக்களுக்கு அழைப்பு விடுத்தார் என்பது குறிப்பிடத்தக்கது.
