ஜகார்த்தா: இந்தோனேசிய ஓபன் பேட்மிண்டன் போட்டி ஜகார்த்தாவில் நடந்து வருகிறது. பெண்கள் ஒற்றையர் பிரிவில் நேற்று நடந்த 2வது சுற்றில் இந்தியாவின் பி.வி.சிந்து, தென் கொரியாவின் ஆன் சே யாங் உடன் மோதினார். இதில் சிறப்பாக ஆடிய தென் கொரிய வீராங்கனை 21-17, 21-15 என வென்று காலிறுதிக்கு முன்னேறினார். ஆண்கள் ஒற்றையர் பிரிவில் இந்தியாவின் ஆயுஷ் ஷெட்டி, ஹாங்காங்க்கை சேர்ந்த லீ சியுக் யு ஆகியோர் மோதினர்.
இதில், 21-16, 13-21, 14-21 என்ற செட் கணக்கில் ஹாங்காங்க் வீரர் வென்று காலிறுதிக்கு முன்னேறினார். ஆண்கள் இரடையர் பிரிவு 2வது சுற்றில் இந்தியாவின் ஹரிஹரன் அம்சகருனன்-எம்.ஆர்.அர்ஜூன் ஜோடி, மலேசியாவின் ஆரோன் தாய்-காங் காய் ஜின் ஜோடி உடன் மோதியது.
இதில் சிறப்பாக ஆடிய இந்திய ஜோடி 16-21, 21-15, 21-19 என்ற செட் கணக்கில் வென்று காலிறுதிக்கு முன்னேறியது. கலப்பு இரட்டையர் பிரிவில் இந்தியாவின் ரோகன் கபூர்-கட்டே ருத்விகா சிவானி ஜோடி, பிரான்ஸின் தாம் ஜிக்வெல்-டெல்ஃபின் டெல்ரூ ஜோடியுடன் மோதியது. இதில் 21-13, 21-12 என்ற செட் கணக்கில் பிரான்ஸ் ஜோடி வென்ற காலிறுதிக்கு முன்னேறியது.
