திருப்புத்தூர், ஜூன் 4: திருப்புத்தூரில் நேற்று கலைஞர் பிறந்தநாள் விழா முன்னாள் அமைச்சர் பெரியகருப்பன் தலைமையில் இனிப்பு வழங்கி கொண்டாடப்பட்டது. திருப்புத்தூர் பேருந்து நிலையம் எதிரே வைக்கப்பட்டுள்ள கலைஞர் படத்திற்கு சிவகங்கை மாவட்ட திமுக செயலாளர், முன்னாள் அமைச்சருமான கேஆர்.பெரியகருப்பன் மாலை அணிவித்து மலர் தூவி மரியாதை செலுத்தினார்.
தொடர்ந்து கட்சி நிர்வாகிகளுக்கும், தொண்டர்களுக்கும், பொதுமக்களுக்கும் இனிப்புகள் வழங்கினார். இந்நிகழ்ச்சியில், திருப்புத்தூர் பேரூராட்சி சேர்மன் கோகிலா ராணி, துணை சேர்மன் கான்முகமது, திமுக நகர கழக செயலாளர் கார்த்திகேயன் உள்ளிட்ட ஏராளமான திமுக நிர்வாகிகள் கலந்து கொண்டனர்.
