சென்னை: தங்கம் விலை வாரம் தொடக்க நாளான நேற்று பவுனுக்கு ரூ.400 அதிகரித்தது. தங்கம் விலை கடந்த சில நாட்களாக ஏற்றம், இறக்கம் நிலையில் இருந்து வருகிறது. அந்த வகையில் கடந்த 23ம் தேதி தங்கத்தின் விலை பவுனுக்கு ரூ.400 குறைந்து ஒரு பவுன் ரூ.1 லட்சத்து 17 ஆயிரத்து 840க்கு விற்பனையானது. 24ம் தேதி (நேற்று முன்தினம்) ஞாயிற்றுக்கிழமை என்பதால் தங்கம் மார்க்கெட்டுக்கு விடுமுறையாகும். இதனால், தங்கம் விலையில் எந்தவித மாற்றமும் ஏற்படவிலை.
இந்நிலையில் ஒரு நாள் விடுமுறைக்கு பிறகு நேற்று தங்கம் மார்க்கெட் தொடங்கியது. வாரம் தொடக்க நாளான நேற்று தங்கம் விலையில் திடீர் மாற்றம் காணப்பட்டது. அதாவது தங்கம் விலை கிராமுக்கு ரூ.50 அதிகரித்து ஒரு கிராம் ரூ.14,780க்கும், பவுனுக்கு ரூ.400 அதிகரித்து ஒரு பவுன் ரூ.1 லட்சத்து 18 ஆயிரத்து 240க்கும் விற்பனையானது. அதே நேரத்தில் வெள்ளியின் விலையில் எந்தவித மாற்றமும் ஏற்படவில்லை. ஒரு கிராம் வெள்ளி ரூ.295க்கும், பார் வெள்ளி ரூ.2 லட்சத்து 95 ஆயிரத்துக்கும் விற்பனையானது.
