ரஷ்யா: உலக நாடுகளின் ஒட்டுமொத்த கவனமும் ரஷ்யாவின் பக்கம் திரும்பி இருக்கிறது. ரஷ்யாவின் அணு ஆயுத வளத்தை அடுத்த கட்டத்திற்கு எடுத்து செல்ல கூடிய ஏவுகணை இந்த ஆண்டின் இறுதிக்குள் ராணுவ பயன்பாட்டிற்கு கொண்டு வரப்படும் என அந்நாட்டு அதிபர் புதின் தெரிவித்துள்ளார்.
இந்த சர்மத் ஏவுகணையானது 35 ஆயிரம் கிலோ மீட்டர் தூரம் வரை பாயும் திறன் கொண்டது. அதாவது ரஷ்யாவில் இருந்து கொண்டே அமெரிக்கா அல்லது ஐரோப்பாவின் எந்த ஒரு பகுதியும் இதனால் துல்லியமாக தாக்கமுடியும். இது சாதாரண ஏவுகணை பாதையில் செல்வது மட்டுமில்லாமல் விண்வெளியின் விளிம்பு பகுதியான துணை புவிவட்ட பாதையிலும் பயணிக்கும்.
இதன் மூலம் பொது பயன்பாட்டில் உள்ள எதிர்காலத்தில் வரவிற்கும் எந்த ஒரு ஏவுகணை பாதுகாப்பு அமைப்புகளையும் மிக எளிதாக இது ஊடுருவும். மேற்கத்திய நாடுகளால் ‘சாத்தான் 2’ (Satan II) என அழைக்கப்படும் இந்த ஏவுகணையின் அழிவு திறன் மேற்கத்திய நாடுகளில் அணு ஆயுதங்களை விட நான்கு மடங்கு அதிகம்.
கடந்த 2011 முதல் இதற்கான பணிகள் நடந்தாலும் பல தோல்விகளையும் தாமதங்களையும் இந்த திட்டம் சந்தித்துள்ளது. குறிப்பாக 2024 செப்டம்பரில் நடந்த ஒரு சோதனையின் போது ஏவுகணை ஏவுதளத்திலேயே வெடித்து பெரிய பலத்தை ஏற்படுத்தியதாக சர்வதேச ஆய்வாளர்கள் குறிப்பிடுகின்றனர். தற்போது நடந்த சோதனை வெற்றிகரமாக முடிந்துள்ளதாக ரஷ்யா ராணுவ தளபதி செர்கே கரக்கயேவ் (Sergey Karakayev) உறுதிப்படுத்தியுள்ளார்.
இந்த அறிவிப்பு உலக அரசியலில் பெறும் பரபரப்பை நிலவும் ஒரு இக்கட்டான நேரத்தில் வெளியாகியுள்ளது. குறிப்பாக அமெரிக்கா மற்றும் ரஷ்யா இடையே அணு ஆயுதங்களை கட்டுப்படுத்த அமலில் இருந்த நியூ ஸ்டார்ட் ஒப்பந்தம் சில மாதங்களுக்கு முன்பு காலாவதியானது. இதன் காரணமாக கடந்த அரை நூற்றாண்டு காலத்தில் முதல் முறையாக உலகின் இருபெரும் அணு ஆயுத நாடுகளில் ஆயுத குவிப்பை கட்டுப்படுத்த எந்த விதமான அதிகார பூர்வ கட்டுப்பாடுகளும் இல்லாத நிலையில் உருவாகியுள்ளது.
உக்ரைன் போர் தொடங்கியதில் இருந்தே மேற்கத்திய நாடுகள் இந்த போரில் நேரடியாக தலையிடுவதை தடுக்க ரஷ்யா தனது அணு ஆயுத பலத்தை நினைவூட்டி வருகிறது. அமெரிக்காவின் ஏவுகணை தடுப்பு கவசங்களுக்கு பதிலடி கொடுக்கவும் ரஷ்யாவின் பாதுகாப்பை உறுதிபடுத்தவும் இத்தகைய நவீன ஆயுதங்களை தேவைப்படுவதாக புதின் விளக்கியுள்ளார்.
