சென்னை: சென்னையில் ஆபரணத் தங்கத்தின் விலை சவரனுக்கு ரூ.1840 உயர்ந்து ரூ.1,14,640க்கு விற்பனை செய்யப்படுகிறது. ஆபரணத்தங்கத்தின் விலை கிராமுக்கு ரூ.230 உயர்த்து ஒரு கிராம் தங்கம் ரூ.14,330-க்கு விற்பனை செய்யப்படுகிறது. வெள்ளி விலை இன்று கிராமுக்கு ரூ.15-ம், கிலோவுக்கு ரூ.15 ஆயிரமும் உயர்ந்து, ஒரு கிராம் ரூ.300-க்கும், ஒரு கிலோ ரூ.3 லட்சத்துக்கும் விற்பனை செய்யப்படுகிறது.
அமெரிக்க டாலருக்கு நிகரான இந்திய ரூபாயின் மதிப்பு, மத்திய கிழக்கில் நிலவும் போர் பதற்றம், பங்குச் சந்தை வீழ்ச்சி மற்றும் சர்வதேச அளவில் தங்கம் மீதான முதலீடு அதிகரித்ததால் ஆபரணத் தங்கம் விலை கூடியுள்ளது. அந்தவகையில் ஆபரணத் தங்கத்தின் விலை நேற்று கிராமுக்கு ரூ.50-ம், சவரனுக்கு ரூ.400-ம் குறைந்து, ஒரு கிராம் தங்கம் ரூ.14,100-க்கும் ஒரு சவரன் ரூ.1,12,800-க்கும் விற்பனையானது. இந்த நிலையில் இன்று தங்கம் மற்றும் வெள்ளி விலை அதிரடியாக உயர்ந்துள்ளது.
