பொன்னமராவதி,ஏப்.30: பொன்னமராவதி பகுதியில் உள்ள சிவன் கோயில்களில் பிரதோச சிறப்பு வழிபாடு நடந்தது. பொன்னமராவதி அருகே வேந்தன்பட்டி நெய்நந்தீஸ்வரர் கோயிலில் உள்ள நந்திகேஸ்வரருக்கு மஞ்சள், பால், தயிர், சந்தனம், விபூதி உள்ளிட்ட 16 வகையான அபிசேக செய்யப்பட்டு சிறப்பு வழிபாடு நடைபெற்றது.
இதனைத்தொடர்ந்து பிரசாதம் வழங்கப்பட்டது. இதே போல பொன்.புதுப்பட்டி நகர சிவன்கோயில், திருக்களம்பூர் கலிவனேஸ்வரர் கோயில்,வலையபட்டி மலையாண்டி கோயில்,அம்மன்குறிச்சி மீனாட்சி சுந்தரேஸ்வரர் கோயில் உள்ளிட்ட பல்வேறு கோயில்களில் பிரதோச வழிபாடு நடைபெற்றது.
