வாக்குச்சாவடிகளுக்கு முதியவர்களை அழைத்து வந்த ஆம்புலன்ஸ் டிரைவர்களுக்கு பாராட்டு

குமாரபாளையம், ஏப். 30: தமிழ்நாடு சட்டப்பேரவை தேர்தல் கடந்த 23ம் தேதி நடைபெற்றது. இதில் குமாரபாளையம் சட்டமன்ற தொகுதியில் வாக்களிக்க சிரமப்பட்ட 67 முதியோர் மற்றும் மாற்றுத்திறனாளிகளை வாகனங்களில் ஏற்றி வந்து, வாக்களித்த பின், பாதுகாப்பாக அவர்கள் வீட்டில் விட்டு வந்த ஆம்புலன்ஸ் டிரைவர்களுக்கு பாராட்டு விழா நடைபெற்றது. குமாரபாளையம் வணிகர் சங்கம் நடத்திய இந்த நிகழ்ச்சியில், டிரைவர்கள் நவீன், செல்லப்பன், தினேஷ், மெல்வின், அகிலேஷ், நந்தா, சந்தோஷ், தீனா ஆகியோர் பாராட்டப்பட்டனர். தொடர்ந்து, டிரைவர்களுக்கு துண்டுகள் அணிவித்து, நினைவு பரிசு வழங்கப்பட்டது.