2026 சட்டமன்றத் தேர்தலில் திமுக கூட்டணி அமோக வெற்றி பெறும்: லோக் போல் கணிப்பில் தகவல்

சென்னை: வரும் சட்டமன்றத் தேர்தலில் திமுக கூட்டணி அமோக வெற்றி பெறும் என்று லோக் போல் கருத்துக்கணிப்பு தெரிவித்துள்ளது. திமுக தலைமையிலான மதச்சார்பற்ற முற்போக்கு கூட்டணி 185 தொகுதிகளை கைப்பற்றும்; அதிமுக கூட்டணிக்கு 40 முதல் 44 இடங்கள் வரை மட்டுமே கிடைக்கும். திமுக கூட்டணிக்கு 40% வாக்குகள், அதிமுக கூட்டணிக்கு 31% வாக்குகள் கிடைக்கும். முதலமைச்சராக மு.க.ஸ்டாலின் தொடர வேண்டும் என்று 43% பேர் ஆதரவு தெரிவித்துள்ளனர்.

டெல்டாவில் சசிகலா கட்சி முக்குலத்தோர் வாக்குகளை பிரிப்பதால் திமுகவின் வெற்றி எளிதாகும். வடமாவட்டங்களில் ராமதாஸ் தரப்பு போட்டியால் வன்னியர் சமூக வாக்கு முழுமையாக அதிமுகவுக்கு கிடைக்காது. வன்னியர் சமூக ஓட்டு பிரிவதால் திமுக கூட்டணிக்கு களம் சாதகமாகும். ரூ.8,000 கூப்பன் திட்டம் மக்கள் மத்தியில் அமோக வரவேற்பை பெற்றுள்ளது என்று தெரிவிக்கப்பட்டுள்ளது.