வேட்பாளர் பட்டியல் வெளியீட்டில் தாமதமில்லை: சொல்கிறார் நயினார் நாகேந்திரன்

சென்னை: பாஜ வேட்பாளர் பட்டியல் வெளியீட்டில் தாமதமில்லை என்று நயினார் நாகேந்திரன் கூறினார். அதிமுக கூட்டணியில் உள்ள அனைத்து கட்சிகளும் வேட்பாளர்களை அறிவித்து பிரசாரத்தில் இறங்கியுள்ளன. ஆனால், 27 இடங்கள் ஒதுக்கப்பட்ட பாஜ இன்னும் வேட்பாளர் பட்டியலை வெளியிடவில்லை. இதனால், யாரை ஆதரித்து பிரசாரம் செய்வது என்று பாஜ தொண்டர்கள் குழம்பி போய் உள்ளனர். இந்த நிலையில் தமிழ பாஜ தலைவர் நயினார் நாகேந்திரன் சென்னை தி.நகரில் உள்ள பாஜ தலைமை அலுவலகத்தில் நேற்று அளித்த பேட்டி: பாஜ வேட்பாளர் பட்டியல் வெளியீட்டில் தாமதமில்லை. இந்த தாமதத்தால் பாதிப்பும் இல்லை. நாளை(இன்று) மத்திய அமைச்சர் பியூஷ் கோயல் சென்னை வருகிறார். அவர் வந்த பிறகு பட்டியல் வெளியாகும். தமிழ்நாட்டில் எந்த தனி மனிதருக்கும் பாதுகாப்பில்லை. பெண்களுக்கும் பாதுகாப்பில்லை, பத்திரிகையாளர்களுக்கும் பாதுகாப்பில்லை. இவ்வாறு அவர் கூறினார்.