திமுக கூட்டணியில் உள்ள விடுதலை சிறுத்தைகள் கட்சியின் வேட்பாளர் பட்டியல் வெளியிடப்பட்டது. இதில் காட்டுமன்னார்கோவில் தொகுதியில் அக்கட்சி தலைவர் திருமாவளவன் களம் காண்பதாக அறிவிக்கப்பட்டுள்ளது.
தமிழ்நாடு சட்டமன்ற தேர்தலில் திமுக கூட்டணியில் உள்ள விடுதலை சிறுத்தைகள் கட்சி 8 தொகுதிகளில் போட்டியிடுகிறது. விசிக வேட்பாளர் பட்டியலை அக்கட்சியின் தலைவர் திருமாவளவன் வௌியிட்டார். அதன்படி, காட்டுமன்னார்கோவில் – திருமாவளவன், திண்டிவனம் – வன்னியரசு, பெரியகுளம் – சக்திவேல், கள்ளக்குறிச்சி – மாலதி, செய்யூர் – சிந்தனை செல்வன், திருப்போரூர் – பன்னீர்தாஸ், பண்ருட்டி -அப்துல் ரகுமான், அரக்கோணம் – எழில் கரோலின் ஆகியோர் போட்டியிடுகின்றனர். இதில் கடந்த முறை போட்டியிட்டு வென்ற சட்டமன்ற உறுப்பினர்களில் சிந்தனை செல்வத்திற்கு மட்டும் மீண்டும் வாய்ப்பளிக்கப்பட்டுள்ளது.

மேலும், திருப்போரூரில் வென்ற எஸ்.எஸ்.பாலாஜி, செய்யூரில் வென்ற பனையூர் பாபு மற்றும் நாகையில் வென்ற ஆளூர் ஷா நவாஸ் ஆகியோருக்கு வாய்ப்பு அளிக்கப்படவில்லை. கடந்த 2016 சட்டசபை தேர்தலில் திருமாவளவன் காட்டுமன்னார்கோவிலில் மக்கள் நல கூட்டணி சார்பில் போட்டியிட்டு 87 வாக்குகள் வித்தியாசத்தில் தோல்வியடைந்தார். அந்த தேர்தலில் அதிமுகவின் நா.முருகுமாறன் 48,450 ஓட்டுகள் பெற்றார். திருமாவளவன் 48,363 வாக்குகள் பெற்று தோல்வியடைந்தார். அதன் பின்னர், 2019, 2024ம் ஆண்டுகளில் சிதம்பரம் நாடாளுமன்ற தொகுதியில் போட்டியிட்டு வென்றிருந்தார் என்பது குறிப்பிடத்தக்கது.