சென்னை: சட்டமன்ற தேர்தலில் போட்டியிடும் 234 தொகுதிகளுக்கான வேட்பாளர்களை அறிவித்தார் த.வெ.க. தலைவர் விஜய். சென்னை நுங்கம்பாக்கம் நட்சத்திர விடுதியில் த.வெ.க. வேட்பாளர்கள் அறிமுக கூட்டம் நடைபெறுகிறது. மக்கள் பிரச்சனைகளை சரி செய்யக் கூடிய வகையில் வேட்பாளர்களை தேர்வு செய்துள்ளேன். விஜய் முன்னிலையில் த.வெ.க. வேட்பாளர்கள் உறுதிமொழி ஏற்றுக் கொண்டனர்.

விஜய் ஆற்றிய உரையில்; “இது வேட்பாளர் அறிமுக கூட்டம் அல்ல; காப்பாளர்களை மக்களுக்கான அறிமுகப்படுத்தும் கூட்டம். ஒரு எம்.எல்.ஏ. என்பவர் தொகுதிக்கான எல்லைக் காப்பாளராக இருக்க வேண்டும். களத்தில் மக்களோடு மக்களாக நிற்பவர்களையே வேட்பாளர்களாக தேர்வு செய்துள்ளேன். இதயத்தில் உங்கள் விஜய்; இல்லம்தோறும் நமது எம்.எல்.ஏ. என்று கூறலாம். மக்கள் பிரச்சனைகளை சரி செய்யக் கூடிய வகையில் வேட்பாளர்களை தேர்வு செய்துள்ளேன்” என உரையாற்றினார்.

இளைஞர்களுக்கான தவெகவின் தேர்தல் வாக்குறுதிகளை விஜய் வெளியிட்டார். “போதைப்பொருள் இல்லாத தமிழ்நாடு என்ற உத்தரவாதத்தை அளிக்கிறோம். போதைப்பொருள் நடமாட்டத்தால் ஏற்படும் பாதிப்பு குறித்து விழிப்புணர்வு ஏற்படுத்தப்படும். பள்ளி, கல்லூரிகளில் போதைப்பொருள் எதிர்ப்பு மன்றங்கள் நிறுவப்படும். 12ம் வகுப்பு முதல் உயர்கல்வி வரை செல்லும் மாணவர்களுக்கு ரூ.20 லட்சம் வரை பிணையில்லா கடன் வழங்கப்படும்.

இளைஞர்களுக்கு வேலை கிடைக்கும் வரை உதவித் தொகை வழங்கப்படும். வேலைவாய்ப்பு இல்லாத பட்டதாரிகளுக்கு ரூ.4,000, டிப்ளமோ படித்தவர்களுக்கு ரூ.2,500 உதவித் தொகை வழங்கப்படும். வெற்றி தொழில் முனைவோர் திட்டத்தின் கீழ் ரூ.25 லட்சம் வரை உத்தரவாதம் இல்லா கடன் வழங்கப்படும். இளைஞர்களை வேலைவாய்ப்புகளை உருவாக்குவோராக மாற்றுவதே எங்கள் இலக்கு.

ஒவ்வொரு உள்ளாட்சி, நகராட்சி அமைப்புகளிலும் முதல்வர் மக்கள் சேவை நண்பர் என்ற பதவி உருவாக்கப்படும். இளைஞர்களின் வசிப்பிடத்திலேயே 5 லட்சம் வேலைவாய்ப்புகள் உருவாக்கப்படும். தமிழ்நாட்டைச் சேர்ந்தவர்களுக்கே வேலைவாய்ப்பை உறுதி செய்யும் திட்டம். தமிழ்நாடு இளைஞர்கள் ஆலோசனைக் குழு நிறுவப்படும். தமிழ்நாடு படைப்பாளி தொழில் முனைவோர் திட்டம் உருவாக்கப்படும்” என தெரிவித்தார்.

பெரம்பூர் தொகுதியில், திருச்சி கிழக்கு தொகுதியில் சி.ஜோசப் விஜய் போட்டியிடுவார் என அறிவித்துள்ளார்.