காபூல்: ஆப்கானிஸ்தான், தஜிகிஸ்தானில் நிலநடுக்கம் ஏற்பட்டது. ஆப்கானிஸ்தானில் இன்று அதிகாலை 1.32 மணியளவில் திடீரென நிலநடுக்கம் ஏற்பட்டது. இது, ரிக்டர் அளவில் 4.1 ஆக பதிவாகி உள்ளதாக தேசிய நில அதிர்வு மையம் தெரிவித்துள்ளது. 120 கி.மீ. ஆழத்தில் ஏற்பட்ட இந்த நிலநடுக்கம், 36.617 டிகிரி வடக்கு அட்ச ரேகையிலும், 71.317 டிகிரி கிழக்கு தீர்க்க ரேகையிலும் இருக்கும் என முதலில் தீர்மானிக்கப்பட்டது. இந்த நிலநடுக்கத்தால் ஏற்பட்ட சேதம் மற்றும் பாதிப்பு குறித்து எந்தவித தகவலும் உடனடியாக வெளியாகவில்லை.
துசான்பே: தஜிகிஸ்தானில் நேற்றிரவு 7.54 மணியளவில் (இந்திய நேரப்படி) நிலநடுக்கம் ஏற்பட்டது. இது ரிக்டர் அளவுகோலில் 4.0 ஆக பதிவானதாக தேசிய நில அதிர்வு மையம் தெரிவித்துள்ளது. 80 கி.மீ. ஆழத்தில் ஏற்பட்ட இந்த நிலநடுக்கம். 38.090 டிகிரி வடக்கு அட்ச ரேகையிலும். 72.825 டிகிரி கிழக்கு தீர்க்க ரேகையிலும் இருக்கும் என முதலில் தீர்மானிக்கப்பட்டது. இந்த நிலநடுக்கம் ஒரு மிதமானதாக இருந்ததால் பெரிய அளவிலான சேதங்கள் ஏதும் ஏற்படவில்லை. இருப்பினும், மையப்பகுதிக்கு அருகில் உள்ள ஒரு சில இடங்களில் லேசான அதிர்வுகள் உணரப்பட்டிருக்கலாம். தலைநகர் துஷான்பேவில் இந்த அதிர்வு உணரப்படவில்லை.
