அட்லாண்டா: அமெரிக்காவில் நிலவும் கடும் பனிப்புயல், மோசமான வானிலை காரணாக 1100 விமானங்கள் ரத்து செய்யப்பட்டுள்ளன. மேலும் 7300 விமானங்கள் தாமதம் ஆகியுள்ளன. அமெரிக்காவில் கடந்த சிலநாட்களாக கடும் பனிப்பொழிவு ஏற்பட்டுள்ளது. மத்திய மேற்குப் பகுதி முழுவதும் கனத்த பனிப்பொழிவை ஏற்படுத்திய புயல், நியூயார்க்கின் சில பகுதிகளில் மணிக்கு சுமார் 50 மைல் (80 கி.மீ) வேகத்தில் வீசிய பலத்த காற்றுடன் கிழக்குக் கடற்கரையை நோக்கி வேகமாக நகர்ந்ததாக தேசிய வானிலை ஆய்வு மையம் தெரிவித்தது. கிழக்கு நோக்கி நகரும் புயல்களைத் தொடர்ந்து, விமான ரத்துகளும் தாமதங்களும் தொடர்கின்றன.

நேற்று முன்தினம் 1100 அமெரிக்க விமானங்கள் ரத்து செய்யப்பட்டன. 7300 விமானங்கள் தாமதமாகின. அட்லாண்டாவில் உள்ள ஹார்ட்ஸ்பீல்டு ஜாக்ஸன் சர்வதேச விமான நிலையத்தில் 230 விமானங்கள் ரத்து செய்யப்பட்டன.770 விமானங்கள் தாமதமாகின. பனிபுயல் வீசியதால் கடந்த திங்கள்கிழமையன்று,4800 விமானங்கள் ரத்து செய்யப்பட்டன. 12800 விமானங்கள் தாமதமாகின.