சீரம் பயன்படுத்துவது நன்மை தருமா?

நன்றி குங்குமம் டாக்டர்

இன்றைய சூழலில் சரும பராமரிப்புக்காக க்ளென்சர்கள்’ (Cleansers), `டோனர்கள்’ (Toners), `மாய்ஸ்ச்சரைசர்கள்’ (Moisturizers), `சீரம் என பல வகையான அழகு சாதன பொருட்கள் வந்துவிட்டது. அவற்றை பயன்படுத்தும் பெண்களின் எண்ணிக்கையும் நாளுக்கு நாள் அதிகரித்து வருகிறது. இந்த அழகுசாதன பொருட்கள் ஒவ்வொன்றும் ஒரு குறிப்பிட்ட சருமப் பிரச்னையைத் தீர்க்க உதவுகிறது.

அந்தவகையில், சருமத்தில் உள்ள அழுக்கு, எண்ணெய் மற்றும் அசுத்தங்களை அகற்ற க்ளென்சர்கள் பயன் படுத்தப்படுகின்றன. சருமத்தில் இருக்கும் `அல்கலைனை’ (pH) சமநிலைப்படுத்தவும், அழுக்கு மற்றும் எண்ணெயின் எஞ்சியிருக்கும் தடயங்களை அகற்றவும் டோனர்கள் உதவும். மாய்ஸ்ச்சரைசர்கள் சருமத்தின் ஈரப்பதத்துக்கு உதவும். இந்த வரிசையில் இலகுவான மற்றும் சருமம் வேகமாக உறிஞ்சிக் கொள்ளக்கூடிய மருந்துகளைக் கொண்ட திரவம்தான் சீரம். இந்த சீரம், சரும வறட்சி, முகப்பரு, பொலிவின்மை, கருமை நிறம், மூப்பு சம்பந்தப்பட்ட சுருக்கங்கள் போன்ற அனைத்து சருமப் பிரச்னைகளையும் நிவர்த்தி செய்ய பயன் படுத்தப்படுகிறது. இந்த சீரத்தின் பயன்கள் குறித்து தெரிந்து கொள்வோம்.

சருமத்தின் ஈரப்பதத்தை தக்கவைக்கவும், அதிகரிக்கவும். பொதுவாக ஹைலூரோனிக் அமிலம், கிளிசரின் மற்றும் செராமைடுகள் போன்ற பொருட்களைக் கொண்டு சீரம் தயாரிக்கப்படுகிறது. எனவே, ஒருவர் தனது சருமத்தின் தேவைக்கு ஏற்ப அதனை தேர்வு செய்வது மிகவும் முக்கியமாகும்.

சீரத்தின் முக்கிய நன்மைகள்

ஆழமான நீரேற்றம் (Deep Hydration): ஹைலூரோனிக் அமிலம் கொண்ட சீரம்கள் சருமத்திற்கு தேவையான ஈரப்பதத்தை தக்கவைத்து, வறட்சியைப் போக்குகின்றன.சருமப் பொலிவு (Skin Brightening): வைட்டமின் சி சீரம்கள் கரும்புள்ளிகள் மற்றும் ஹைப்பர் பிக்மென்டேஷனைக் குறைத்து சருமத்தை பிரகாசமாக்குகின்றன. வயதான தோற்றத்தைத் தடுத்தல் (Anti-Aging): இளம் வயதிலேயே சிலர் வயதான தோற்றத்தில் காணப்படுவார்கள். அவ்வாறு காணப்படுபவர்களுக்கு சீரம் சிறந்த தீர்வாக இருக்கும். அதிலும் ரெட்டினோல் (Retinol) கொண்ட சீரம்கள் சரும சுருக்கங்களைக் குறைத்து, மென்மையான சருமத்தை அளிக்கிறது.

முகப்பரு கட்டுப்பாடு (Acne Control): சாலிசிலிக் அமிலம் (Salicylic acid) மற்றும் நியாசினமைடு (Niacinamide) உள்ள சீரம்கள் முகப்பரு மற்றும் எண்ணெய்ப் பசையை சமநிலைப்படுத்துகின்றன.

விரைவான உறிஞ்சுதல் (Fast Absorption): மெல்லிய திரவ வடிவில் இருப்பதால், மாய்ஸ்சரைசரை விட வேகமாக சருமத்தின் ஆழமான அடுக்குகளுக்குச் சென்று ஊட்டமளிக்கிறது.

பாதுகாப்பு (Protection): ஆக்ஸிஜனேற்றிகள் (Antioxidants) நிறைந்த சீரம்கள் சுற்றுச்சூழல் மாசுபாட்டிலிருந்து சருமத்தைப் பாதுகாக்கின்றன. மேலும், அன்ஈவன் ஸ்கின் டோனை சமன் செய்யவும் கரும்புள்ளிகளைக் குறைக்கவும் உதவி செய்கின்றன.

மிக ஒல்லியாக இருப்பவர்களைக் கூட சில சமயங்களில் நீர்ச்சத்துடன் சப்பியாக வைத்திருக்க உதவி செய்யும்.

பயன்படுத்தும் முறை: சுத்தம் செய்த முகத்தில், சில துளிகள் சீரமை எடுத்து, மென்மையாக மசாஜ் செய்து, அதன் மேல் மாய்ஸ்சரைசர் தடவ வேண்டும். பொதுவாக சருமப் பராமரிப்பில் சீரம் பயன்படுத்துதல் என்னும் வழக்கம் சமீப காலமாக எல்லோரிடமும் அதிகமாகவே கவனம் பெற்றிருக்கிறது என்று சொல்லலாம். அதிலும் குறிப்பாக இரவு நேர சருமப் பராமரிப்பில் கட்டாயம் சீரம் பயன்படுத்துவது தான் சருமப் பிரச்னைக்கான தீர்வாக இருக்க முடியும் என்கிற அளவுக்கு கவனம் பெற்ற ஒன்றாக சீரம் மாறியிருக்கிறது.

ஆனால், உண்மையிலேயே சீரம் எல்லா வகை சருமப் பிரச்னைக்கும் தீர்வாகுமா? சருமப் பராமரிப்பில் சீரம் பயன்படுத்துவது கட்டாயமா? என்றால், சருமத்துக்கு குறிப்பாக முகத்துக்கு சீரம் பயன்படுத்த வேண்டியது அவசியமான ஒன்று என்று சொல்ல முடியாது. ஆனால் சருமத்திற்கு கூடுதலாக சில நன்மைகளைப் பெற விரும்புகிறவர்கள் மட்டும் தங்களுடைய சருமப் பராமரிப்பில் சீரம் பயன்படுத்தலாம் என்கின்றனர் சரும பராமரிப்பு நிபுணர்கள். காரணம், ஃபேஸ் சீரம் மிகவும் லைட் வெயிட்டான ஒன்று. அதேசமயம் அதிகமாக செறிவூட்டப்பட்ட ரசாயனங்களின் கலவையாக இருக்கும்.

இதில் சருமப் பிரச்னைகளுக்கு ஏற்ற செறிவூட்டப்பட்ட கலவை இருக்கும். குறிப்பிட்ட சில சருமப் பிரச்னைகளுக்கு தீர்வளிப்பதோடு எல்லோருக்கும் பொதுவாக இருக்கக்கூடிய சில சருமப் பிரச்னைகளுக்கும் இந்த ஃபேஸ் சீரம் தீர்வாக இருக்கும்.குறிப்பாக க்ளன்சிங், டோனிங், மாய்ஸ்ச்சரைஸிங் ஆகிய வேலைகளை இந்த ஃபேஸ் சீரம் செய்கிறது. சீரம் பயன்படுத்துவது கட்டாயமில்லை என்றாலும், ஃபேஸ் சீரம்களில் வைட்டமின் சி உள்ளிட்ட சருமப் பளபளப்புக்குத் தேவையான மூலப்பொருட்கள் சேர்க்கப்படுகின்றன.

இவை சருமத்தில் ஏற்படும் சுருக்கங்கள், நுண்ணிய கோடுகள், கரும்புள்ளிகள், மங்கு ஆகியவற்றை நீக்கி வயதான தோற்றம் உண்டாவதைத் தடுத்து இளமையாக வைத்திருக்கச் செய்கிறது. ஆனால் எந்த சீரம் பயன்படுத்துவதாக இருந்தாலும் உங்களுடைய சருமத்தின் தன்மைக்கு ஏற்றவாறு சரும நிபுணரிடம் ஆலோசனை பெற்று பயன்படுத்துவது சிறந்தது.

தொகுப்பு: ரிஷி