சென்னை: படிப்பை மட்டும் விட்றவே விட்றாதீங்க இன்ஸ்டாவில் கலக்கும் சிறுவர்களுடன் முதல்வர் மு.க.ஸ்டாலின் கலந்துரையாடினார். இன்ஸ்டாவில் பிரபலமாக விளங்கும் தேவா, ஜீவா ஆகி சிறுவர்களோடு முதல்வர் மு.க.ஸ்டாலின் கலந்துரையாடினார். அந்த காணொலியினை ‘படிப்பை மட்டும் விட்றவே விட்றாதீங்க… எனக் கல்வியை முன்னிறுத்தி இன்ஸ்டாவில் கலக்கும் சிறுவர்கள்’ என்ற தலைப்பில் அவர் சமூக வலைத்தளத்தில் பதிவு செய்தார். அந்த காணொலியில் சிறுவர்களிடம் பள்ளி வாழ்க்கை குறித்தும், காலை உணவு திட்டம் குறித்தும், பள்ளி கட்டிடம் குறித்தும் கேட்டறிந்தார்.
அப்போது அமைச்சர் அன்பில் மகேஷ் உடனிருந்தார். குறிப்பாக காணொலியில் முதல்வர் மு.க.ஸ்டாலின் பேசுகையில், ‘இன்ஸ்டாவில் எத்தனையோ பேர் வீடியோ போடுகிறார்கள், உங்களை அழைத்ததற்கு காரணம் என்றவென்றால், உங்களை பாராட்டுவதற்கு தான். உங்கள் வீடியோவில் படிங்க… படிங்க… என்று சொல்கிறீர்கள். நான் பள்ளி கல்வித்துறை சார்ந்த நிகழ்ச்சி அல்லது மாணவர்களுடன் உரையாடும் போது இதை சொல்லுவேன், அதனை நீங்கள் சொல்கிறீர்கள். அதற்கு தான் பாராட்ட அழைத்தேன்’ என்று கூறினார்.
