சென்னை: தங்கம் விலை வார இறுதி நாளான நேற்று பவுனுக்கு ரூ.720 உயர்ந்தது. கடந்த 2ம் தேதி முதல் தங்கம் விலை குறைய தொடங்கியது. 2ம் தேதி தங்கம் விலை பவுனுக்கு ரூ.920, 3ம் தேதி பவுன் ரூ.1,560, 4ம் தேதி ரூ.2,120, 5ம் தேதி ரூ.640 என குறைந்து வந்தது. தொடர்ந்து நேற்று முன்தினமும் தங்கம் விலை குறைந்தது.
நேற்று முன்தினம் தங்கம் விலை கிராமுக்கு ரூ.160 குறைந்து ஒரு கிராம் ரூ.14960க்கும், பவுனுக்கு ரூ.1,280 குறைந்து ஒரு பவுன் 1 லட்சத்து 19,680க்கும் விற்பனையானது. வார இறுதி நாளான நேற்று தங்கம் விலையில் மீண்டும் மாற்றம் காணப்பட்டது. அதாவது நேற்று மீண்டும் தங்கம் விலை அதிகரித்தது. நேற்று கிராமுக்கு ரூ.90 உயர்ந்து, ஒரு கிராம் ரூ.15,050க்கும், பவுனுக்கு ரூ.720 உயர்ந்து, ஒரு பவுன் ரூ.1,20,400க்கும் விற்றது.
வெள்ளி விலையில் மாற்றமின்றி ஒரு கிராம் ரூ.290க்கும், ஒரு கிலோ கட்டி வெள்ளி ரூ.2,90,000க்கும் விற்பனையானது. இன்று ஞாயிற்றுக்கிழமை என்பதால் தங்கம் மார்க்கெட்டுக்கு விடுமுறை. அதனால், நேற்றைய விலையிலேயே இன்று தங்கம் விற்பனையாகும். நாளை (திங்கட்கிழமை) மார்க்கெட் தொடங்கிய பின்னரே தங்கம் விலையில் என்ன மாற்றம் ஏற்பட போகிறது என்பது தெரியவரும்.
