பழையகோட்டை மாட்டுத்தாவணியில் காங்கயம் இன மாடுகள் ரூ.6 லட்சத்துக்கு விற்பனை

காங்கயம் : காங்கயம் தாலுகா, நத்தக்காடையூர் பழையகோட்டையில் காங்கயம் இன மாடுகளுக்கான சந்தை வாரந்தோறும் நடைபெற்று வருகிறது. நேற்று கூடிய வாரச்சந்தைக்கு கோவை, திருப்பூர், ஈரோடு, கரூர், திண்டுக்கல், நாமக்கல், போன்ற மாவட்டங்களிலிருந்து விவசாயிகள் சுமார் 33 மாடுகளை விற்பனைக்காக கொண்டு வந்திருந்தனர். தமிழகத்தின் பல்வேறு பகுதியிலிருந்து மாடுகளை வாங்க விவசாயிகள் வருகின்றனர்.

இதில் காங்கயம் இன மாடுகள் ரூ.25 ஆயிரம் முதல் அதிகபட்சமாக ரூ.77 ஆயிரம் வரை விற்பனையானது. பசுங்கன்றுகள் ரூ.10ஆயிரம் முதல் ரூ.40 வரையும், காளை கன்றுகள் ரூ.10 ஆயிரம் முதல் ரூ.50 ஆயிரம் வரை விற்பனையானது. மொத்தம் 15 கால்நடைகள் ரூ.6 லட்சத்துக்கு விற்பனை நடைபெற்றதாக சந்தை மேற்பார்வையாளர்கள் தெரிவித்தனர்.