சென்னை : சென்னையில் ஆபரணத் தங்கம் விலை சவரனுக்கு ரூ.1,600 குறைந்து ரூ.1,15,200க்கு விற்பனையாகிறது. தங்கம் விலை கிராமுக்கு ரூ.200 குறைந்து ஒரு கிராம் ரூ.14,400க்கு விற்பனை செய்யப்படுகிறது. சென்னையில் சில்லறை வர்த்தகத்தில் வெள்ளி விலை கிராமுக்கு ரூ.20 குறைந்து ஒரு கிராம் ரூ.280க்கு விற்பனையாகிறது. வெள்ளி விலை கிலோவுக்கு ரூ.20,000 குறைந்து ஒரு கிலோ ரூ.2.80 லட்சத்துக்கு விற்பனை செய்யப்படுகிறது.

ஒரே மாதத்தில் இப்படி வரலாற்றில் இல்லாத அளவு உயர்ந்தது நகை பிரியர்களை அதிர்ச்சியில் ஆழ்த்தியது. இந்தியாவில், தமிழ்நாட்டை பொறுத்தவரை தங்க விலை ஒட்டுமொத்தமாக மிகப்பெரிய தாக்கத்தை ஏற்படுத்தி வருகிறது.

திருமணம், பிறந்தநாள் உள்ளிட்ட சுப நிகழ்ச்சிகள் போன்ற தனிப்பட்ட கொண்டாட்டங்களுக்கு மட்டுமல்லாமல், அட்சய திருதியை போன்ற நிகழ்வுகளுக்கும் தங்கம் பரவலாக வாங்கப்படுகிறது. கடந்த சில நாட்களாக தங்க விலை தொடர்ந்து மாற்றங்களை சந்தித்து வரும் நிலையில், விலை உயர்வு என்பது திருமண நகை வாங்கத் திட்டமிட்டிருந்தவர்களுக்கு கூடுதல் சுமையாக மாறி வருகிறது. இதனால் தங்கத்தின் விலை எப்போது சரியும் என மக்கள் எதிர்பார்ப்பில் உள்ளனர்.

நேற்று முன்தினம் தங்கம் விலை ஒரு பவுன் ரூ.1,16,800க்கு விற்றது. மாலையில் தங்கம் விலை கிராமுக்கு ரூ.190 உயர்ந்து ஒரு கிராம் ரூ.14,790க்கும், பவுனுக்கு ரூ.1,520 உயர்ந்து ஒரு பவுன் ரூ.1,18,320க்கும் விற்பனையானது. இதன் மூலம் நேற்று முன்தினம் தங்கம் விலை ஒரே நாளில் கிராமுக்கு ரூ.210, பவுனுக்கு ரூ.1,680 உயர்ந்து அதிர்ச்சியை ஏற்படுத்தியது.

இதையடுத்து நேற்றும் தங்கம் விலையில் மாற்றம் காணப்பட்டது. நேற்று தங்கம் விலை கிராமுக்கு ரூ.190 குறைந்து ஒரு கிராம் ரூ.14,600க்கும், பவுனுக்கு ரூ.1,520 குறைந்து ஒரு பவுன் ரூ.1,16,800க்கும் விற்பனையானது. வெள்ளி விலை நேற்று 3வது நாளாக எந்த மாற்றமும் ஏற்படவில்லை. ஒரு கிராம் வெள்ளி ரூ.300க்கும், பார் வெள்ளி ரூ.3 லட்சத்துக்கும் விற்பனையானது.

இந்நிலையில் இன்று தங்கம் விலை சற்று குறைந்தது. சென்னையில் ஆபரணத் தங்கம் விலை இன்று சவரனுக்கு ரூ.1,600 குறைந்து ரூ.1,15,200க்கு விற்பனையாகிறது. தங்கம் விலை கிராமுக்கு ரூ.200 குறைந்து ஒரு கிராம் ரூ.14,400க்கும், சில்லறை வர்த்தகத்தில் வெள்ளி விலை கிராமுக்கு ரூ.20 குறைந்து ஒரு கிராம் ரூ.280க்கும் விற்பனையாகிறது. வெள்ளி விலை கிலோவுக்கு ரூ.20,000 குறைந்து ஒரு கிலோ ரூ.2.80 லட்சத்துக்கு விற்பனை செய்யப்படுகிறது.