சென்னை: உலக டேபிள் டென்னிஸ் (டபிள்யுடிடி) ஸ்டார் கன்டென்டர் போட்டிகள், வரும் 10ம் தேதி முதல் 16ம் தேதி வரை சென்னை மேலக்கோட்டையூரில் உள்ள தமிழ்நாடு உடற்கல்வியியல் மற்றும் விளையாட்டு பல்கலையில் நடைபெற உள்ளன. பல்வேறு நாடுகளை சேர்ந்த முன்னணி வீரர், வீராங்கனைகள் மோதவுள்ள இப்போட்டிகளில் பங்கேற்க, மகளிர் ஒற்றையர் பிரிவில் அனுஷா குடும்பலே, சாயலி வாணி, காவ்யா பட், தனிஷா கோடேச்சா உள்ளிட்டோருக்கு வைல்ட் கார்ட் சிறப்பு நுழைவு அனுமதி வழங்கப்பட்டுள்ளது. ஆடவர் ஒற்றையர் பிரிவில் மோத, தமிழகத்தை சேர்ந்த அபினந்த் பிரதிவாதிக்கு வைல்ட் கார்ட் சிறப்பு அனுமதி தரப்பட்டுள்ளது. இவர், ஐடிடிஎப் உலக இளைஞர் சாம்பியன்ஷிப் குழு போட்டிகளில் சிறப்பாக ஆடி வெண்கலப் பதக்கம் வென்றவர். சென்னையில் தொடர்ச்சியாக 2வது முறையாக நடத்தப்படும் டபிள்யுடிடி ஸ்டார் கன்டென்டர் தொடரின் மொத்த பரிசுத் தொகை ரூ. 2.90 கோடி என்பது குறிப்பிடத்தக்கது.