வதோதரா: மகளிர் பிரிமியர் லீக் எலிமினேட்டர் போட்டியில் நேற்று, டெல்லி கேபிடல்ஸ் – குஜராத் ஜெயன்ட்ஸ் அணிகள் மோதின. டாஸ் வென்ற டெல்லி பந்து வீசியது. அதையடுத்து முதலில் களமிறங்கிய குஜராத் அணியின் துவக்க வீராங்கனை சோபி டிவைன் 6 ரன்னிலும் பின் வந்த அனுஷ்கா சர்மா 16 ரன்னிலும் ஆட்டமிழந்தனர். கடைசி ஓவர்களில் பெத் மூனி அதிரடியாக ஆடி 50 பந்துகளில் 58 ரன் விளாசினார். 20 ஓவர் முடிவில் குஜராத், 7 விக்கெட் இழப்புக்கு 168 ரன் எடுத்திருந்தது. அதை தொடர்ந்து களம் இறங்கிய டெல்லி கேபிட்டல்ஸ் அணி 15.4 ஓவர் முடிவில் 3 விக்கெட்டுகள் இழப்புக்கு 169 ரன்களை எடுத்தது. இதன் மூலம் 7 விக்கெட்டுகள் வித்தியாசத்தில் டெல்லி கேபிட்டல்ஸ் அணி வெற்றிப் பெற்றது.