சென்னை: தங்கம் விலை இந்த மாதம் தொடக்கத்தில் இருந்து ஏற்றம், இறக்கத்துடன் இருந்து வருகிறது. கடந்த 19ம் தேதி தங்கம் விலை பவுனுக்கு ரூ.1600 உயர்ந்து ஒரு பவுன் ரூ.92800க்கு விற்றது. இதற்கிடையில் நேற்று முன்தினம் தங்கம் விலை மீண்டும் குறைந்தது. கிராமுக்கு ரூ.100 குறைந்து, ஒரு கிராம் ரூ.11,500க்கும், பவுனுக்கு ரூ.800 குறைந்து, ஒரு பவுன் ரூ.92 ஆயிரத்துக்கும் விற்றது.
இந்நிலையில் நேற்றும் தங்கம் விலை குறைந்தது. கிராமுக்கு ரூ.40 குறைந்து ஒரு கிராம் ரூ.11,460க்கும், பவுனுக்கு ரூ.320ம் குறைந்து, ஒரு பவுன் ரூ.91,680க்கும் விற்பனையானது. இதேபோல வெள்ளி விலையும் நேற்று அதிரடியாக சரிவை சந்தித்தது. கிராமுக்கு ரூ.4 குறைந்து ஒரு கிராம் ரூ.169க்கும், கிலோவுக்கு 4 ஆயிரம் குறைந்து, பார் வெள்ளி ரூ.1 லட்சத்து 69 ஆயிரத்துக்கும் விற்பனையானது.
