தங்கம் விலை பவுனுக்கு ரூ.800 குறைந்தது

சென்னை: தங்கம் விலை வாரத்தின் தொடக்க நாளான நேற்று முன்தினம் காலையில் தங்கம் விலை சற்று குறைந்தது. அதாவது தங்கம் விலை கிராமுக்கு ரூ.60 குறைந்து ஒரு கிராம் ரூ.13.600க்கும், பவுனுக்கு ரூ.480 குறைந்து ஒரு பவுன் ரூ.1,08,800க்கும் விற்பனையானது. மாலையில் தங்கம் விலை திடீரென உயர்ந்தது. அதாவது தங்கம் விலை கிராமுக்கு ரூ.170 உயர்ந்து ஒரு கிராம் ரூ.13,770க்கும், பவுனுக்கு ரூ.1,360 உயர்ந்து ஒரு பவுன் ரூ.1 லட்சத்து 10 ஆயிரத்து 160க்கும் விற்பனையானது. இந்த நிலையில் நேற்றும் தங்கம் விலையில் மாற்றம் காணப்பட்டது. நேற்று காலையில் தங்கம் விலை கிராமுக்கு ரூ.100 குறைந்து, ஒரு கிராம் ரூ.13,670க்கும், பவுனுக்கு ரூ.800 குறைந்து, ஒரு பவுன் ரூ.1 லட்சத்து 9,360க்கும் விற்பனையானது. இதே போல நேற்று வெள்ளி விலையும் குறைந்தது. வெள்ளி விலை கிராமுக்கு ரூ.5 குறைந்து, ஒரு கிராம் ரூ.250க்கும், கிலோவுக்கு ரூ.5,000 குறைந்து, பார் வெள்ளி ரூ.2.50 லட்சத்துக்கும் விற்பனையானது.