அச்சு ராஜாமணி இசை அமைத்து பாட, விகாஷ் நாகராஜ் இயக்கத்தில் வெளியான பான் இந்தியா இசை ஆல்பம், ‘ஹார்ட்குள்ள’. கானா சல்லு எழுதியுள்ளார். தென்னிந்தியாவில் சுயாதீன பாடல்களுக்கான வரவேற்பு அதிகரித்து வரும் நிலையில், இளைஞர்களை கவரும் துள்ளல் மற்றும் காதல் பாடலாக இது உருவாகியுள்ளது. தமிழ், தெலுங்கு, கன்னடம், இந்தி உள்பட பல்வேறு மொழிகளில் உருவாகியுள்ள இது, தென்னிந்தியாவின் முதல் பான் இந்தியா இசை ஆல்பமாகும். ‘மாலை பொழுதின் மயக்கத்திலே’. ‘கோலி சோடா 2’, ‘விழித்திரு’, ’கொலையுதிர் காலம்’, ‘மழை பிடிக்காத மனிதன்’ ஆகிய படங்களின் மூலம் தமிழில் பல ஹிட் மற்றும் டிரெண்டிங் பாடல்களை வழங்கிய அச்சு ராஜாமணி இசையில், ‘ஹார்ட்குள்ள’ பாடல் இளைஞர்களின் இதயங்களை கவரும் வகையில் உருவாகியுள்ளது.
ஏ.ஆர்.ரஹ்மான் இசையில் உருவான ‘நிசாரிசா’ என்ற பாடலை, சந்திரலேகா அனுபமா மறு உருவாக்கம் செய்து உருவாக்கிய வீடியோ பாடலை இயக்கியிருந்த விஹாஸ் நாகராஜ், ‘ஹார்ட்குள்ள’ இசை ஆல்பத்தை இயக்கியுள்ளார். ஜான்ராம் ஒளிப்பதிவு செய்துள்ளார். டீஜே அருணாசலம், விசாகா திமன் நடித்துள்ளனர். பிரபாத் புரொடக்ஷன்ஸ் சார்பில் பிரபாத் கிராந்தி ரெட்டி தயாரித்துள்ளார். இதை கடந்த மார்ச் 31ம் தேதி ‘சரிகம’ வெளியிட்டுள்ளது.
