பிரபாஸ் அம்மாவாக நடிக்கும் ஜெயப்பிரதா

ஐதராபாத்: பான் இந்தியா ஸ்டார் பிரபாஸ், தற்போது ஹனு ராகவபுடி இயக்கத்தில் ‘ஃபெளஸி’, நாக் அஸ்வின் டைரக்‌ஷனில் ‘கல்கி 2898 ஏடி’ 2ம் பாகம், சந்தீப் ரெட்டி வங்கா இயக்கத்தில் ‘ஸ்பிரிட்’ ஆகிய பான் இந்தியா படங்களில் நடித்து வருகிறார். துல்கர் சல்மான், மிருணாள் தாகூர் நடிப்பில் வெளியான ‘சீதா ராமம்’ என்ற ஹிட் படத்துக்கு பிறகு ஹனு ராகவபுடி இயக்கும் படம், ‘ஃபெளஸி’. இதில் பிரபாஸ் ஜோடியாக இமான்வி இஸ்மாயில், அம்மா வேடத்தில் ஜெயப்பிரதா நடிக்கின்றனர்.

கடந்த 52 வருடங்களாக நடித்து வரும் ஜெயப்பிரதா, தீவிர அரசியலில் ஈடுபட்டதால் நடிப்பை விட்டு விலகினார். என்றாலும், நல்ல கேரக்டர் கிடைத்தபோது நடித்து வந்தார். அந்தவகையில் தற்போது அவர் ‘ஃபெளஸி’ படத்தில் நடிக்கிறார். அவருடன் பாலிவுட் நடிகர் மிதுன் சக்ரவர்த்தி இணைந்த நடிக்கிறார். முன்னதாக ஓடிடியில் நேரடியாக வெளியான ‘ரிவாஸ்’ என்ற படத்தில் ஜெயப்பிரதா, மிதுன் சக்ரவர்த்தி இணைந்து நடித்திருந்தனர். மீண்டும் நடிக்க வந்துள்ள ஜெயப்பிரதா கூறுகையில், ‘தெலுங்கில் ‘ஃபெளஸி’ என்ற படத்தில் பிரபாஸுடன் இணைந்து நடிப்பதில் மகிழ்ச்சி அடைகிறேன். படப்பிடிப்பு தளத்தில் அவரது அர்ப்பணிப்பு உணர்வையும், பணியாற்றும் ஸ்டைலையும் பார்த்து பிரமித்தேன்’ என்றார்.