சிவகாசி, டிச.13: சிவகாசி மாநகராட்சியில் பணிபுரியும் தூய்மை பணியாளர்களுக்கு மழை கோட் வழங்கும் நிகழ்ச்சி நேற்று நடைபெற்றது. சிவகாசி மாநகராட்சியில் தொடர் மழையையும் பொருட்படுத்தாமல் மாநகரில் தேங்கி இருந்த பிளாஸ்டிக் கழிவுகள், குப்பைகள் உள்ளிட்டவற்றை தூய்மை பணியாளர்கள் அகற்றி வருகின்றனர்.
இந்நிலையில் தூய்மை பணியாளர்களின் பாதுகாப்பு நலன் கருதி அவர்களுக்கு மாநகராட்சி நிர்வாகம் மழை கோட், ஹெல்மெட், கையுறை வழங்க முடிவு செய்தது. அதனை தொடர்ந்து சிவகாசி மாநகராட்சி திருத்தங்கல் 2வது மண்டல அலுவலகத்தில் தூய்மை பணியாளர்களுக்கு மழை கோட் வழங்கும் நிகழ்ச்சி மாநகராட்சி சுகாதார அலுவலர் பாண்டியராஜ் தலைமையில் நேற்று நடைபெற்றது.
நிகழ்ச்சியில் திருத்தங்கல் முன்னாள் நகர்மன்ற துணைத்தலைவர் பொன்சக்திவேல் கலந்து கொண்டு தூய்மை பணியாளர்களுக்கு மழை கோட், ஹெல்மெட், கையுறை வழங்கினார். நிகழ்ச்சியில் தூய்மை பணிகள் மேற்பார்வையாளர் ஆசீர்வாதம், திமுக கவுன்சிலர்கள் சேதுராமன், திருப்பதி, திமுக நிர்வாகிகள் மாரீஸ்வரன், காளிராஜன் மற்றும் பலர் கலந்து கொண்டனர்.
The post சிவகாசி மாநகராட்சியில் தூய்மை பணியாளர்களுக்கு மழை கோட் appeared first on Dinakaran.
