சொத்து விவரத்தில் குளறுபடி: கூடுதல் பிரமாண பத்திரத்தில் அதிகரித்த விஜய் சொத்து

பழைய வேட்பு மனுவில் கையில் 1.10 லட்சம் ரொக்கமும் புதிய வேட்பு மனுவில் கையில் 2 லட்சம் ரொக்கம் இருப்பதாக தவெக தலைவர் விஜய் தெரிவித்துள்ளார். கடந்த 30ம் தேதி விஜய் தாக்கல் செய்த வேட்புமனுவில் ரூ.404 கோடி அசையும் சொத்து இருப்பதாக தெரிவித்திருந்தார். ஏப்.4ம் தேதி விஜய் தாக்கல் செய்த கூடுதல் பிரமாணப் பத்திரத்தில் ரூ.410 கோடி அசையும் சொத்து இருப்பதாக தெரிவிப்பு.

2026 தமிழ்நாடு சட்டமன்றத் தேர்தலில் பெரம்பூர் தொகுதியில் போட்டியிடும் தவெக தலைவர் விஜய், தேர்தல் ஆணையத்தில் தாக்கல் செய்த பிரமாண பத்திரத்தில் தனது சொத்து மதிப்பு ரூ.603 கோடி முதல் ரூ.640 கோடி வரை அதிகரித்துள்ளதாக அறிவித்துள்ளார். அதிகரித்துள்ளதாக அறிவித்துள்ளார். இதில் அசையும் சொத்துக்கள் ரூ.404 கோடிக்கும் அதிகமாகவும், அசையா சொத்துக்கள் ரூ.220 கோடிக்கும் அதிகமாகவும் உள்ளன.

BMW, டொயோட்டா லெக்ஸஸ், வெல்ஃபயர், மற்றும் மாருதி ஸ்விஃப்ட் போன்ற வாகனங்கள் உள்ளன. மனைவி சங்கீதாவின் பெயரில் சுமார் ₹15 கோடிக்கும் அதிகமான சொத்துக்கள் உள்ளன. விஜய், கையில் ₹2 லட்சம் ரொக்கமும், மனைவி ₹1 லட்சம் ரொக்கமும் வைத்துள்ளதாக தெரிவிக்கப்பட்டுள்ளது. மேலும், கடந்த ஆண்டுக்கான வருமானமாக ₹184 கோடிக்கும் அதிகமாக கணக்கு காட்டப்பட்டுள்ளது.

30ம் தேதி தாக்கல் செய்த பத்திரத்தில் 2023-24ம் ஆண்டு மொத்த வருமானம் ரூ.105 கோடி என்று தெரிவித்திருந்தார். ஏப்.4ம் தேதி தாக்கல் செய்த பத்திரத்தில் 2023-24 நிதியாண்டில் ஆண்டு மொத்த வருமானம் ரூ.237 கோடி என்று தெரிவித்துள்ளார். ஜெயா நகர் ப்ராப்பர்டி பிரைவேட் லிமிடெட் மொத்த பங்கு மதிப்பு பழைய வேட்புமனுவில் 19.03 லட்சம் என்று தெரிவித்துள்ளார். புதிய மனுவில் 19.69 லட்சம் என்று தெரிவித்துள்ளார். பழைய வேட்பு மனுவில் TN14 AS 0277 என்ற பதிவில் கொண்ட டாட்டா கேரவன் பேருந்தை காட்டவில்லை.

தற்போது தாக்கல் செய்துள்ள புதிய வேட்பு மனுவில் இந்த tata கேரவன் பேருந்தை காட்டியுள்ளார் இதன் மதிப்பு ரூ.6 கோடி ஆகும். தொடக்கத்தில் இந்த வாகனத்தை தான் விஜய் பிரச்சாரத்திற்கு பயன்படுத்தினார். கரூர் சம்பவத்திற்கு பிறகு இந்த வாகனத்தை தற்போது பிரச்சாரத்திற்கு விஜய் பயன்படுத்தவில்லை. திருச்சி கிழக்கு தொகுதி வேட்புமனுவிலும் கேரவன் வாகனத்தை விஜய் கணக்கு காட்டவில்லை.