வாஷிங்டன்: நேட்டோ ராணுவ கூட்டமைப்பில் இருந்து விலகுவது பற்றி அமெரிக்கா ஆலோசிப்பதாக அமெரிக்க அதிபர் டிரம்ப் அறிவித்துள்ளார். ஈரான் தன்னிடம் உள்ள யுரேனியத்தை செறிவூட்டி அணு ஆயுதம் தயாரிக்கும் கட்டத்திற்கு மிக நெருக்கமாக சென்று விட்டதாக குற்றம்சாட்டிய அமெரிக்கா, இஸ்ரேலுடன் இணைந்து கடந்த ஆண்டு ஜூன் மாதம் 12 நாட்கள் சண்டையிட்டது. அதில் ஈரானின் அணுசக்தி நிலையங்கள் சேதப்படுத்தப்பட்டதாக அமெரிக்கா கூறியது. அதைத் தொடர்ந்து, பொருளாதார சீர்குலைவால் ஈரான் அரசுக்கு எதிராக அந்நாட்டில் மக்கள் போராட்டம் வெடித்த நிலையில், ஈரானில் தலைமையை மாற்றுவதற்காக மீண்டும் அமெரிக்காவும் இஸ்ரேலும் இணைந்து கடந்த பிப்ரவரி 28ம் தேதி ஈரான் மீது போர் தொடுத்தது.
போரின் முதல் நாளிலேயே ஈரான் அதிபர் அயதுல்லா அலி கமேனி கொல்லப்பட்ட நிலையிலும், அமெரிக்காவிடம் ஈரான் பணியவில்லை. அதோடு இஸ்ரேல் மீது மட்டும் பதில் தாக்குதல் நடத்தாமல், ஒட்டுமொத்த வளைகுடா நாடுகளில் உள்ள அமெரிக்க ராணுவ தளங்களை குறிவைத்து ஈரான் ஏவுகணை, டிரோன் தாக்குதல் நடத்தியது. இதனால் அரபு நாடுகள் அதிர்ச்சி அடைந்தன. மேலும், எண்ணெய், எரிவாயுவின் முக்கிய நீர்வழிப்பாதையான ஹார்முஸ் ஜலசந்தியை ஈரான் மூடியது. இதனால் உலகளவில் கச்சா எண்ணெய் தட்டுப்பாடு ஏற்பட்டு உலக பொருளாதாரம் ஆட்டம் கண்டுள்ளது. இந்நிலையில் எங்கள் இலக்குகளை முழுமையாக எட்டும் வரை போர் தொடரும் என அதிபர் டிரம்ப் தெரிவித்துள்ளார்.
இன்று போர் நிறுத்தம் அறிவிக்கப்படலாம் என உலகே காத்திருந்த நிலையில் டிரம்ப் அறிவித்துள்ளார். மத்திய கிழக்கில் அமெரிக்கா – இஸ்ரேல் நடத்தி வரும் போர் 5வது வாரமாக தொடர்கிறது. ஈரான் மீது தாக்குதல் நடத்திய அமெரிக்க படைகளுக்கு டிரம்ப் பாராட்டு தெரிவித்தார். ஈரான் கடற்படையை அழித்து விட்டோம். ஈரானுக்கு அணு ஆயுதங்கள் இல்லை. அணு ஆயுதங்கள் தயாரிக்க மாட்டோம் என ஈரான் உறுதி அளித்துள்ளது. ஈரான் தலைவர்களில் பெரும்பாலோர் பயங்கரவாதிகள், இப்போது இறந்துவிட்டனர். ஈரான் ராணுவத்தின் கட்டுப்பாட்டு அமைப்புகள் முற்றிலும் சிதைக்கப்பட்டுள்ளன, ஈரானிடம் மிக குறைவான ஏவுகணை ஏவுதளங்களே எஞ்சியுள்ளன.
ஈரானுக்கு எதிரான ராணுவ நடவடிக்கை இறுதி கட்டத்தை எட்டியுள்ளது. அமெரிக்கா தனது இலக்குகளை மிக விரைவில் எட்டும். ஈரான் தோற்றால் ஹார்முஸ் நீரிணை தானாக திறந்துவிடும்’. ஈரான் போரில் நான் எப்போதும் ராஜதந்திர பாதையையே விரும்பினேன். எந்த சூழலிலும் ஈரான் அணு ஆயுதங்களை பெற அனுமதிக்க முடியாது. தீவிரவாத சக்திகளிடம் அணு ஆயுதம் இருப்பது ஏற்றுக்கொள்ளவே முடியாத அச்சுறுத்தல். ஒப்பந்தம் எட்டப்படாவிட்டால் ஈரானின் மின் உற்பத்தி நிலையங்களை அழிப்போம். அமெரிக்காவின் எரிசக்தி தேவை மத்திய கிழக்கு நாடுகளை சார்ந்திருக்கவில்லை. அமெரிக்கா தனது இலக்குகளை மிக விரைவில் எட்டும், அமெரிக்கா தனது ஆற்றல் தேவைகளில் தன்னிறைவு அடைந்துள்ளது.
அமெரிக்கா எரிசக்தி உற்பத்தியில் தன்னிறைவு அடைந்த நாடாக மாறியுள்ளது. மில்லியன் கணக்கான பேரல்களை உற்பத்தி செய்து வருகிறோம். ரஷ்யாவும் சவுதி அரேபியாவும் சேர்ந்து எவ்வளவு உற்பத்தி செய்யுமோ, அந்தளவிற்கு நாம் உற்பத்தி செய்கிறோம். அமெரிக்காவின் எரிசக்தி தேவை மத்திய கிழக்கு நாடுகளை சார்ந்திருக்கவில்லை. ஈரான் கச்சா எண்ணெய் கப்பல்களை தாக்கியதே விலை உயர்வுக்கு காரணம். இது தற்காலிகமானது தான். ஹார்முஸ் நீரிணையை நேரடியாக கைப்பற்றி பாதுகாக்க வேண்டும். வளைகுடாவில் இருந்து எண்ணெய் இறக்குமதி செய்யும் நாடுகள் தைரியம் காட்ட வேண்டும். ஹார்முஸை மீட்க மற்ற நாடுகளின் நேரடி நடவடிக்கை தேவை.
அமெரிக்காவிடம் போதுமான அளவுக்கு கச்சா எண்ணெய் உள்ளது. நாங்கள் வளைகுடா நாடுகளை சார்ந்திருக்கவில்லை. ஆனால் அங்கிருந்து கச்சா எண்ணெய்யை இறக்குமதி செய்யும் நாடுகள் ஹார்முஸை கைப்பற்றி தைரியமாக, நேரடியாக நடவடிக்கை எடுக்க வேண்டும். அது எளிமையான விஷயம்தான். இல்லையென்றால் எங்களிடம் எரிசக்திகளை வாங்குங்கள். எங்களிடம் ஏராளமாக உள்ளன. ஈரானின் அணுசக்தி திட்டம் முற்றிலும் அழிக்கப்பட்டு விட்டது. இருந்தாலும் அடுத்த 2, 3 வாரங்கள் ஈரானை மிகக் கடுமையாக தாக்குவோம். அனைத்து வாய்ப்புகளும் எங்களிடம் உள்ளன. ஈரானிடம் எதுவும் இல்லை.
நேட்டோ ராணுவ கூட்டமைப்பில் இருந்து விலகுவது பற்றி அமெரிக்கா ஆலோசித்து வருகிறது. ஈரானுக்கு எதிரான போரில் அமெரிக்க படைகளுக்கு உதவ நேட்டோ முன்வராத கோபத்தில் அதிபர் டிரம்ப் அறிவித்துள்ளார்.
