சென்னை: தவெக வேட்பாளர்கள் அறிமுகக் கூட்டம் நடக்கும் நட்சத்திர ஹோட்டலுக்கு வெளியே தவெகவினர் போராட்டம் நடத்தி வருகின்றனர். கே.வி.குப்பம் தொகுதியில் நாதகவில் இருந்து வந்தவருக்கு வாய்ப்பு அளிக்கப்பட்டுள்ளதாக பிரபு என்பவரின் ஆதரவாளர்கள் குற்றச்சாட்டு தெரிவித்துள்ளனர். த.வெ.க. வேட்பாளர் தேர்வுக்கு நேர்காணல் நடத்தாததைக் கண்டித்து நிர்வாகிகள் முழக்கமிட்டுள்ளனர். வேட்பாளரை மாற்றக் கோரி 100க்கும் மேற்பட்டோர் சாலை மறியலில் ஈடுபட்டதால் பரபரப்பு ஏற்பட்டுள்ளது. நுங்கம்பாக்கம் பிரதான சாலையில் தவெகவினர் விஜய்யை கண்டித்து ஆர்ப்பாட்டம் நடத்தியதால் பரபரப்பு ஏற்பட்டுள்ளது.
எந்த நேர்காணலும் இன்றி தன்னிச்சையாக வேட்பாளர்கள் தேர்வு செய்யப்பட்டதாக தவெகவினர் புகார் அளித்துள்ளனர். தவெக தலைவர் விஜய் யாருக்கும் நேர்காணல் நடத்தவில்லை என கட்சி நிர்வாகிகள் ஆவேசம். கட்சியில் யார் வேட்பாளரை தேர்வு செய்தார்கள் என்பதே தெரியவில்லை என நிர்வாகிகள் ஆதங்கம். கே.வி.குப்பம் தொகுதியில் போட்டியிட 120 மனுக்கள் அளித்தும் என்னை தேர்வு செய்யவில்லை என புகார் எழுந்துள்ளது. 3 மாதங்களுக்கு முன் கட்சியில் சேர்ந்தவருக்கு விஜய் சீட் வழங்கியுள்ளதாக த.வெ.க.வினர் குமுறியுள்ளனர்.
